ხულოს მერიის ცნობით, კორონავირუსი დაუდასტურდა მერიის 2 თანამშრომელს.
„აღნიშნული თანამშრომლები ბოლო პერიოდის განმავლობაში გადასული იყვნენ დისტანციურ სამუშაო რეჟიმზე და მათ შემხებლობა არ ჰქონიათ სხვა თანამშრომლებთან“, – აღნიშნულია ხულოს მერიის ფეისბუქგვერდზე. აქვე ვკითხულობთ, რომ ყველა პირი, ვისაც ჰქონდა ინფიცირებულებთან კონტაქტი, გადავიდა თვითიზოლაციაში და ჩაუტარდა ტესტირება.
ხულოს მერია განაგრძობს მუშაობას. განცხადების თანახმად, სადეზინფექციო საშუალებებით დამუშავდება ხულოს მუნიციპალიტეტის ადგილობრივი თვითმმართველობის შენობა და სამუშაო სივრცეები. „შენობაში შესვლისას ყველა პირი გადის თერმოკონტროლს და დაწესებულია მონიტორინგი პირბადის გამოყენებაზე,“ – წერს მერია.
