0-დან 18 წლამდე ბავშვების მშობლებს 200-ლარიანი დახმარების მისაღებად რეგისტრაციის გავლა უკვე შეუძლიათ. განცხადების შესავსები ელექტრონულ პორტალი დღეს დილიდან ჩაირთო. სოციალურ ქსელებში მოქალაქეები ავრცელებენ სქრინებს რეგისტრაციასთან დაკავშირებით. ზოგი წერს, რომ მარტივად გაიარა რეგისტრაცია, ზოგი იმაზე წუხს, რომ დარეგისტრირებას ვერ ახერხებს.
მოქალაქეთა ერთი ჯგუფის ყურადღება კი იმან მიიქცია, რომ განცხადების შესავსები ელექტრონული პორტალი პრემიერ-მინისტრს ოფიციალური ფეისბუქგვერდის -„გახარიას“ მოწონებას სთავაზობს.
„ბათუმელებმა“ ამ ინფორმაციის გადამოწმების მიზნით თავადაც გაიარა რეგისტრაცია. რეგისტრაცია მიმდინარეობს საკმაოდ დაყოვნებით, დარეგისტრირების პროცესში კი სისტემა ნამდვილად გთავაზობს პრემიერის ოფიციალური გვერდის – „გახარიას“, რეკლამას.
სქრინი, რომელიც მომხმარებლმა დაახლოებით 2 საათის წინ გამოაქვეყნა
