აჭარის ჯანდაცვის სამინისტროს მონაცემებით, ბათუმში კორონავირუსი დაუდასტურდა ერთ პირს, შემთხვევა იმპორტირებულია, ინფიცირებულია სატვირთო ავტომანქანის მძღოლი.
ამჟამად ბათუმის რესპუბლიკური საავადმყოფოს კოვიდცენტრში მკურნალობის კურსს გადის 9 პაციენტი.
აჭარის ჯანდაცვის სამინისტროს მონაცემებით, ცხელების კლინიკებში მოთავსებულია 47 პირი, მათი კვლევის პასუხები ხვალ გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 33 476 პირს.
დღეს არსებული მონაცემებით აჭარაში კარანტინში იმყოფება 2008 პირი.
___________
ფოტოზე: NCDC- აჭარის სამმართველოს სამედიცინო პერსონალი ლაბორატორიაში. წყარო: nplg.gov.ge
