დღეს, 4 მაისს, საქართველოს პრემიერ-მინისტრმა, გიორგი გახარიამ, საგანგებო ბრიფინგზე განაცხადა, რომ ხვალიდან, 5 მაისიდან, სამშენებლო სფეროში მომუშავე ყველა კომპანიას მუშაობის განახლება შეუძლია. ასევე, იმ კომპანიებს, რომლებიც დაკავებულია სამშენებლო მასალების წარმოებით.
„ყველა ის კომპანიები, რომლებიც დაკავშირებულნი არიან სამშენებლო ბიზნესთან, ხვალიდან მუშაობას შეძლებენ. თუმცა შემოწმებები, რომელსაც ახორციელებს სპეციალური გუნდი ჯანდაცვისა და ეკონომიკის სამინისტროს ბაზაზე, გააგრძელებს მუშაობას.
მოვუწოდებთ თითოეულ კომპანიას, პასუხისმგებლობით მოეკიდონ იმ ვალდებულებებს, რომლებიც დაწესებულია ჯანდაცვის სამინისტროს მიერ,“- განაცხადა გახარიამ.
გახარიას თქმით, ხვალიდან ანუ 5 მაისიდან ნებადარული იქნება ავტოსარემონტო კომპანიების მუშაობაც.
