საქართველოში კომენდანტის საათის ამოქმედებიდან დღემდე, სხვადასხვა წესების დარღვევისთვის, სულ 3 604 ფიზიკური და იურიდიული პირი დააჯარიმეს. გამოწერილი ჯარიმების რაოდენობამ კი, ჯამში 10 მილიონ 812 ათას ლარს გადააჭარბა.
ვინაიდან არ გვაქვს ზუსტი მონაცემები, კონკრეტულად რამდენი იურიდიული პირი დაჯარიმდა, საერთო მონაცემებისთვის ავიღეთ ჯარიმის მინიმალური ოდენობა – 3 ათასი ლარი.
კომენდანტის საათისა და საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ჯარიმას ფიზიკური პირებისათვის 3 000 ლარის ოდენობით, ხოლო იურიდიული პირებისათვის -15 000 ლარის ოდენობით.
[red_box]დაჯარიმებულთა სტატისტიკა:[/red_box]
ბოლო ერთი კვირის განმავლობაში, ანუ 8 აპრილიდან 14 აპრილის ჩათვლით, შინაგან საქმეთა სამინისტრომ მთელი ქვეყნის მასშტაბით, საგანგებო მდგომარეობის რეჟიმისა და ე.წ. კომენდანტის საათის შეზღუდვების დარღვევისთვის 1 076 პირი დააჯარიმა.
აქედან, კომენდანტის საათის დარღვევის ფაქტზე – 570, საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობის გამო – 342, მგზავრთა გადაყვანისა და ავტომობილით გადაადგილების წესის დარღვევის ფაქტზე – 132, თვითიზოლაციის წესების დარღვევისთვის – 19 და ეკონომიკურ საქმიანობასთან დაკავშირებული შეზღუდვების დარღვევის ფაქტზე – 13 [11 ფიზიკური და 2 იურიდიული] პირი.
კომენდანტის საათი საქართველოში 31 მარტის 21 საათიდან ამოქმედდა. ამ დროიდან 8 აპრილამდე პერიოდში კი, წესების დარღვევისთვის კიდევ 2 528 პირი დააჯარიმეს.
საქართველოში საგანგებო მდგომარეობა 21 აპრილის ჩათვლითაა გამოცხადებული, თუმცა, მთავრობა აპირებს მიმართოს პრეზიდენტს, საგანგებო მდგომარეობა 10 მაისამდე გაგრძელდეს, რაც შემდეგ პარლამენტმა უნდა დაამტკიცოს.
„ამ შემთხვევაში ჯარიმის აღსრულების პროცედურა აითვლება საგანგებო მდგომარეობის დასრულების შემდეგ, რადგან მანამდე გასაჩივრების მოქმედების ვადა შეჩერებულია,“ – განმარტავს პაატა დიასამიძე, „ახალგაზრდა იურისტთა ასოციაციის“ აჭარის ფილიალის ხელმძღვანელი.
ამ თემაზე:
https://batumelebi.netgazeti.ge/news/265897/
