დღეს, 4 აპრილს, ღამით, ბათუმის აეროპორტში სპეციალური რეისი შეასრულა თვითმფრინავმა, რომლის ბორტზეც საქართველოს მოქალაქეები იმყოფებიან. თვითმფრინავი დიდი ბრიტანეთიდან ჩამოვიდა.
ტრადიციულად, უცხოეთიდან შემოსული ნებისმიერ პირს, საზღვარზე შემოსვლისთანავე მედიკოსების სპეციალური ჯგუფი ამოწმებს და შემდეგ მათ კარანტინში უშვებს. აჭარის ჯანდაცვის სამინისტროში აცხადებენ, რომ ამ რეისის მგზავრებთან დაკავშირებითაც იგივე პროცედურა იმოქმედებს.
4 აპრილის ღამის მონაცემებით, კარანტინში 5 067 პირია მოთავსებული.
