BIAFF 2019 – ბათუმის კინოფესტივალის „დიდოსტატთა კოლექციის“ პროგრამა უკვე ცნობილია. კინოფესტივალის ერთ-ერთ საინტერესო სექციაში – „დიდოსტატთა კოლექცია“ ცნობილი რეჟისორების ბოლო წლის ნამუშევრებს აჩვენებენ.
ბათუმის საერთაშორისო კინოფესტივალი 2019 წლის 15-22 სექტემბერს ჩატარდება. 2006 წელს დაარსებული კინოფესტივალი წელს მეთოთხმეტედ იმართება და მისი ორგანიზატორია ბათუმის ხელოვანთა სახლი „არგანი“, ოფიციალური პარტნიორი კი – ქალაქ ბათუმის მერია.
BIAFF 2019-ის „დიდოსტატთა კოლექციაში“ წარმოდგენილი ფილმების ჩამონათვალი ასეთია:
[checklist]
- „ალფა: მკვლელობის უფლება“, ბრილიანტე მენდოზა, ფილიპინები, 2018; 94 წთ
- „ეთერი“, ქშიშტოფ ზანუსი, პოლონეთი / უკრაინა/ლიტვა/უნგრეთი/იტალია, 2018; 118 წთ
- „ოქროს ხელთათმანი“, ფატიჰ აკინი, გერმანია / საფრანგეთი, 2019; 115 წთ
- „ბატონი ჯონსი“, აგნიეშკა ჰოლანდი, პოლონეთი /დიდი ბრიტანეთი/უკრაინა 2019; 119 წთ.
- „უკაცრავად, გამოგვრჩით“, კენ ლოუჩი, 2019 დიდი ბრიტანეთი /საფრანგეთი/ბელგია, 100 წთ.
- „მოღალატე“, მარკო ბელოკიო, იტალია/საფრანგეთი/ბრაზილია/გერმანია 2019; 145 წთ
- „ახალგაზრდა აჰმედი“, ლუკ დარდენი, ჟან-პიერ დარდენი, ბელგია / საფრანგეთი, 2019; 90 წთ
- „კინომექანიკოსი“, აბელ ფერარა, აშშ / საბერძნეთი, 2019; 81 წთ
- „ტრანზიტი“, ქრისტიან პეცოლდი, გერმანია/საფრანგეთი, 2019; 101 წთ.
[/checklist]
BIAFF 2019 – „სპეციალური ჩვენებები“
[checklist]
- „კაცების მკვლელი“, ვალერი რედ-ჰორსი, აშშ, 2017; 74 წთ
- პუნტო ი რაიას კინოფესტივალის (პოლონეთი) საუკეთესო აბსტრაქტული/ექსპერიმენტული ფილმების კოლექცია
[/checklist]
წელს მოკლემეტრაჟიანი ფილმების საკონკურსო სექციაში 25 ფილმი იქნება წარმოდგენილი, საიდანაც 6 ქართველი რეჟისორის ნამუშევარია. კინოფესტივალის სრული პროგრამა რამდენიმე დღეში გახდება ცნობილი.
BIAFF ფესტივალის კინოჩვენებები გაიმართება კინოთეატრ „აპოლოში“, სასტუმრო “Wyndham”- ის საკონფერენციო დარბაზსა და ღია ცის ქვეშ, ევროპის მოედანზე.
კინოჩვენებებზე დასწრება უფასოა. კინოთეატრ „აპოლოში“ ჩვენებებზე დასწრებისთვის საჭიროა ე.წ. „უფასო ბილეთების“ აღება (რაც დაჯავშნისა და კონტროლისთვის გამოიყენება) კინოთეატრში BIAFF ინფოცენტრში.
