პარასკევს, 12 ივლისს, „ბათუმელებმა“ საქართველოს იუსტიციის სამინისტროსგან მიიღო დოკუმენტი, რომლის მიხედვითაც უწყება გვპასუხობს 2018 წლის 17 დეკემბერს გამოთხოვილ საჯარო ინფორმაციაზე.
სამინისტრომ 6 თვის დაგვიანებით გვაცნობა იმის შესახებ, თუ რა თანხა დახარჯა გასულ წელს უწყებამ იუსტიციის მინისტრის მივლინებებზე ქვეყნის გარეთ და ქვეყნის შიგნით. წერილი დათარიღებულია 2019 წლის 10 ივლისით.
წერილს ხელს აწერს სამინისტროს ადმინისტრაციის უფროსი ნათია ჩირიკაშვილი.
საქართველოს ადმინისტრაციული კოდექსის თანახმად, საჯარო უწყება ვალდებულია 10 სამუშაო დღის ვადაში გასცეს საჯარო ინფორმაცია.
იუსტიციის სამინისტროსგან დაგვიანებით მიღებული ინფორმაციის პირველი გვერდი
