„ბათუმელების“ ინფორმაციით, აჭარის სოფლის მეურნეობის მინისტროს მოადგილე მამუკა თურმანიძე იქნება, რომელიც აქამდე ამავე სამინისტროს აგრარული განვითარების დეპარტამენტს ხელმძღვანელობდა.
კითხვაზე, ინიშნება თუ არა მინისტრის მოადგილედ, მამუკა თურმანიძემ „ბათუმელებთან“ განაცხადა, რომ ამის შესახებ ზუსტ ინფორმაციას არ ფლობს. „როცა იქნება დაზუსტებული ყველაფერი, ხვალ დილით, გაიგებთ“, – აღნიშნა მან.
ამ დროისათვის აჭარის მთავრობაში ახალი თავმჯდომარის, თორნიკე რიჟვაძის გუნდის ფორმირება მიმდინარეობს. აჭარას ორი ახალი მინისტრი ჰყავს: სოფლის მეურნეობის – ტიტე აროშიძე და ფინანსთა და ეკონომიკის – ჯაბა ფუტკარაძე.
___________
მთავარი ფოტოზე: მამუკა თურმანიძე. ფოტო: აჭარის სოფლის მეურნეობის სამინისტრო
