საქართველოს ჯანდაცვის სამინისტროს ინიციატივითა და აჭარის ჯანდაცვის სამინისტროს ორგანიზებით, დღეს, 12:00 საათიდან – 16:00 საათამდე ბათუმის ორ სამედიცინო დაწესებულებაში – საოჯახო მედიცინის რეგიონულ ცენტრსა [ბარათაშვილის ქ. 30] და პირველ პოლიკლინიკაში [ტბელ აბუსერიძის ქ. 2], ბათუმის ჰოსპიტალურ სექტორში დასაქმებული კარდიოლოგები ჩაატარებენ უფასო სამედიცინო კონსულტაციებს და გასინჯვებს.
აჭარის ჯანდაცვის სამინისტროს ინფორმაციით, მაისის თვის ყოველ ხუთშაბათს ოჯახის ექიმები და ექიმ-სპეციალისტები სამედიცინო დაწესებულებებში უფასოდ ჩაატარებენ სამედიცინო გასინჯვებსა და კონსულტაციას არტერიული ჰიპერტენზიის მიმართულებით. შესაბამისად ამავე კლინიკებში აქციით სარგებლობა შესაძლებელია 24 და 31 მაისს.
მაისის განმავლობაში წნევის უფასოდ გაზომვა იქნება შესაძლებელი ფარმადეპოს, PSP-ს, ავერსისა და სახალხო აფთიაქის ყველა ფილიალში.
ჰიპერტენზია ერთ-ერთი მარტივი სადიაგნოსტიკო კლინიკური მდგომარეობაა, მისი შეფასება, დიაგნოზის დასმა, სასტარტო მკურნალობის შერჩევა, მედიკამენტის დოზის განსაზღვრა და კომბინირებული სქემების შემუშავება – ექიმის პრეროგატივაა.
