დღეს, 16 თებერვალს, კომპანია “ელ+” სახანძრო უსაფრთხოების კუთხით ცნობიერების ამაღლებისათვის ბათუმში კონფერენციას მართავს. შეხვედრას სასტუმროებისა და კერძო სექტორის წარმომადგენლები ესწრებიან.
კომპანიის თანამშრომლები კერძო ბიზნესის წარმომადგენლებს უხსნიან, თუ როგორ უნდა დაიცვან ობიექტი ისე, რომ ხანძრის გაჩენის რისკი მინიმუმამდე იყოს დაყვანილი.
კონფერენციაზე კომპანიის წარმომადგენლებმა იმ თანამედროვე ხანძარსაწინააღმდეგო სისტემების პრეზენტაცია მოაწყვეს, რომელთა დამონტაჟებაც რეკომენდებულია სასტუმროებსა და საცხოვრებელ სახლებში.
„საქსტატის სტატისტიკით ყოველწლიურად იმატებს რეგისტრირებული ხანძრების ოდენობა. ამას უნდა ვებრძოლოთ სრული სახანძრო აღჭურვილობის ქონით,“ – განაცხადა კომპანია “ელ+”-ის მენეჯერმა, თემო ხვედელიძემ.
მისივე თქმით, მნიშვნელოვანია, რომ კერძო სექტორის წარმომადგენლებმა ობიექტებზე ხარისხიანი ხანძარსაწინააღმდეგო სისტემები დაამონტაჟონ, რაც ხანძრის პრევენციის ერთ-ერთი გარანტიაა.
2017 წლის პირველი იანვრიდან ძალაში შევიდა ახალი, 41-ე დადგენილება სახანძრო უსაფრთხოების ნორმების კონტროლზე.
ამ ნორმების დაცვა და კონტროლი კი სახელმწიფოს პრეროგატივაა.
კონფერენცია
