მთავარი,სიახლეები

ცესკო: ბათუმში ამომრჩეველთა 29.2-მა პროცენტმა მისცა ხმა

21.10.2017 • 2091
ცესკო: ბათუმში ამომრჩეველთა 29.2-მა პროცენტმა მისცა ხმა

ცესკოს ინფორმაციით, 17 საათის მონაცემებით, ბათუმში 40797-მა ამომრჩეველმა მისცა ხმა, რაც ამომრჩეველთა საერთო რაოდენობის 29.2 პროცენტია.

ბოლო მონაცემებით აჭარაში ყველაზე აქტიური ამომრჩეველი ქედაშია, სადაც ამომრჩეველთა 52-მა პროცენტმა მისცა ხმა – 8177 ამომრჩეველი.

ხულოში 11 284-მა  ამომრჩეველმა გააკეთა არჩევანი, ხულოს ამომრჩეველთა საერთო რაოდენობის 47-მა პროცენტმა.

შუახევში 49.7-მა პროცენტმა უკვე გააკეთა არჩევანი – 7465 ამომრჩეველი.

საკმაოდ დაბალია აქტივობა ხელვაჩაურში, სადაც ამომრჩეველთა 35.3-მა პროცენტმა მისცა ხმა, სულ 15867-მა ამომრჩეველმა.

რაც შეეხება ქობულეთს, აქ არჩევანი 26 810-მა ადამიანმა გააკეთა, რაც ამომრჩეველთა  39.6 პროცენტია ქობულეთში.

საერთო ჯამში, 17 საათის მონაცემებით, აჭარაში ამომრჩევლების 36-მა პროცენტმა მისცა ხმა, რაც საქართველოს მასშტაბით საკმაოდ დაბალი მაჩვენებელია. ამ დროისათვის ყველაზე დაბალია აქტივობა შიდა ქართლში – 31.5 პროცენტი, ქვემო ქართლი – 33.1 პროცენტი და თბილისში – 34 პროცენტი. დაბალი აქტივობის მიდევით მეოთხე ადგილზე აჭარაა.

აჭარაში სულ 306 861 ამომრჩეველია და მათგან ხმა მისცა 110 400- მა ამომრჩეველმა.

 

გადაბეჭდვის წესი


ასევე: