IMG_20170924_195645

რომელი ფილმები დასახელდა საუკეთესოდ ბათუმის კინოფესტივალზე

ბათუმის საერთაშორისო, საავტორო კინოფესტივალი დასრულდა. ფესტივალის გრან პრი მიიღო სერგეი ლოჟნიცას ფილმმა “ნაზი არსება”.

“სპეციალური გაჟღერების” პრიზით კინოფესტივალის ჟიურიმ ორი მხატვრული ფილმი დაასახელა: მარიამ ხიჭვანის “დედე” და სალი პოტტერის “წვეულება” (დიდი ბრიტანეთი).

საუკეთესო მსახიობ ქალად ეჩემ უზუნი დასახელდა. ეს მსახიობი მთავარ როლს თამაშობდა თურქი რეჟისორის, იეშიმ უსტაოღლუს ფილმში “შუქჩრდილი”.

რეჟისორი იეშიმ უსტაოღლუ ამავე ფილმისთვის საუკეთესო რეჟისორადაც აღიარეს. მას კინოფესტიცალის პრიზი საუკეთესო რეჟისურისთვის ელდარ შენგელაიამ გადასცა.

მამაკაცის როლის საუკეთესო შესრულებისთვის პრიზი მერაბ ნინიძეს გადასცეს. ის თამაშობდა ფილმში “იუპიტერის მთვარე”.

მსოფლიო კინოს განვითარებაში შეტანილი განსაკუთრებული წვლილისთვის პრიზი ირანელ რეჟისორს – მოჰსენ მახმალბაფს გადაეცა.

საუკეთესო მოკლემეტრაჟიან ფილმად კინოფესტივალის ჟიურიმ “ნაზი ღამე” დაასახელა. ფილმის რეჟისორია ქიუ იანგი ჩინეთიდან.

მოკლემეტრაჟიანი ფილმების სექციაში პრიზი “სპეციალური გაჟღერება” მიიღეს: მარგო ზუბაშვილის “ანა”და  სოსო ბლიაძის “სამი საფეხური”.

საუკეთესო დოკუმენტურ ფილმად “ცემენტის გემო” დასახელდა (რეჟისორი ზიად ქალთოუშ). ამავე სექციაში “სპეციალური გაჟღერების” პრიზი მიიღო: უგის ოლტეს “თავისუფლების დღემ”.

წელს კინოფესტივალის დახურვის ცერემონიალე კინომუსიკას ბათუმის ხელოვნების უნივერსიტეტის ორკესტრი ასრულებდა.

საავტორო კინოფესტივალი ბათუმში წელს უკვე მეთორმეტედ ჩატარდა.

მთავარ ფოტოზე: ელდარ შენგელაია გადასცემს პრიზს იეშიმ უსტაოღლუს – საუკეთესო რეჟისურისთვის.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი