ტიტას ხე ივანიშვილის პარკში იქ აღარ დგას, სადაც დარგეს

ოზურგეთის სოფელ შეკვეთილში, იმ პარკში, რომელსაც ბიძინა ივანიშვილი აშენებს, მედიაში გავრცელებული ინფორმაციით, მრავალწლოვანი ტიტას ხე გახმა და მოჭრეს. ამ ინფორმაციას არავინ ადასტურებს, თუმცა შეკვეთილში „ბათუმელებს“ ტიტას ხე იმ ადგილზე აღარ დახვდა, სადაც ის 2016 წელს დარგეს. ეს ხე პირველი მრავალწლოვანი ხე იყო, რომელიც აჭარიდან გურიაში ზღვით გადაიტანეს.

ე.წ. დენდროლოგიური პარკის ტერიტორიას დაცვის სამსახური იცავს. უცხო პირებისთვის ეს ტერიტორია შარშანაც დახურული იყო და ახლაც დახურულია. იქ ჟურნალისტებსაც არ უშვებენ. გასული წლის გაზაფხულიდან დღემდე კი ამ ტერიტორიაზე ათობით მრავალწლოვანი ხე შეიტანეს.

„ბათუმელებმა“ ტიტას ხე ბოლოს ორი თვის წინ გადაიღო. დღეს კი, იმავე ადგილიდან აშკარად ჩანს, რომ ტიტას ხე იქ აღარ დგას, ტიტას ხის ადგილზე კი ძირითადად, მრავალწლოვანი ევკალიპტებია მიტანილი [ზოგი დარგულია ზოგი დასარგავი].

„ტიტას ხე პარკის სიღრმეში გადარგეს“, – უთხრა „ბათუმელებს“ დაცვის ერთ-ერთმა თანამშრომელმა. ამ ინფორმაციის გადამოწმების საშუალება კი არ მოგვეცა იმ მარტივი მიზეზის გამო, რომ ტერიტორიაზე არც ამჯერად შეგვიშვეს. გადარგული ტიტას ხე კი „ბათუმელების“ ფოტოობიექტივმა ვერ დააფიქსირა.

ტიტას ხე შეკვეთილში, ე.წ. დენდროპარკის შესასვლელიდან / 2017 წლის აპრილი / ფოტო: ბათუმელები/თედო ჯორბენაძე

ტიტას ხე შეკვეთილში, ე.წ. დენდროპარკის შესასვლელიდან / 2017 წლის აპრილი / ფოტო: ბათუმელები/თედო ჯორბენაძე

ე.წ. დენდროპარკის შესასვლელი, საიდანაც ტიტას ხე აღარ ჩანს / 2017 წლის ივნისი / ფოტო: ბათუმელები/მანანა ქველიაშვილი

ე.წ. დენდროპარკის შესასვლელი, საიდანაც ტიტას ხე აღარ ჩანს / 2017 წლის ივნისი / ფოტო: ბათუმელები/მანანა ქველიაშვილი

2015 წლის 31 დეკემბრით დათარიღებულ N431 ბრძანებით, რომელსაც აჭარის მთავრობის მაშინდელი ხელმძღვანელი, არჩილ ხაბაძე აწერს ხელს, შპს „ზიმო“-ს 6200 ლარად საკუთრებაში გადაეცა ერთი ერთეული ტიტას ხე (l.irliodendrontulipifera) და ორი ერთეული ჭაობის კიპარისის ხე. ამ ხეების გადატანა აჭარიდან გურიაში ზიმომ უზრუნველყო.

ტიტას ხე, პირველი მრავალწლოვანი ხე იყო, რომელიც 2016 წლის 30 მარტს იმ პარკში მიიტანეს, რომელსაც საქართველოს ექსპრემიერი, მილიარდელი ბიძინა ივანიშვილი აშენებს. ეს პარკი ივანიშვილის საკუთრებაა.

ტიტას ხე ციხისძირიდან შეკვეთილში გემით ჩაიტანეს, რათა ოზურგეთში მშენებარე საკონცერტო დარბაზის მიმდებარე პარკში დარგონ. საკონცერტო დარბაზს და პარკს ქართველი მილიარდერი ბიძინა ივანიშვილი აშენებბს. 25/03/2016, შეკვეთილი, საქართველო. ფოტო: ნეტგაზეთი/გიორგი ჯორბენაძე

25/03/2016. შეკვეთილი / ტიტას ხე, რომელიც სოფელ ციხისძირიდან სოფელ შეკვეთილში გემით ჩაიტანეს. ფოტო: ნეტგაზეთი/გიორგი ჯორბენაძე

ამავე თემაზე:

ივანიშვილის დანატოვარი

xeee

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com