ხუთი ადამიანი დაშავდა ბათუმში, ზღვაში ორი კატერის შეჯახების შედეგად.
შემთხვევა დღეს, 3 სექტემბერს, საღამოს, ალი და ნინოს მიმდებარე ტერიტორიასთან ახლოს მოხდა.
შეჯახების შედეგად ორივე კატერზე მსხდომი მოქალაქეები ზღვაში ჩაცვივდნენ.
ინფორმაცია კატერების შეჯახების შესახებ თავდაპირველად “აჭარა თაიმსმა” გაავრცელა.
დაშავებულებს პირველადი დახმარება სასწრაფო სამედიცინო სამსახურის ექიმებმა გაუწიეს და კლინიკებში გადაიყვანეს.
როგორც “ბათუმელებისთვის” გახდა ცნობილი, არცერთ დაშავებულს სიცოცხლისთვის შეუთავსებელი დაზიანებები არ აქვს.
შს სამინისტროს ცნობით, ფაქტზე გამოძიება სისხლის სამართლის 275-ე მუხლით დაიწყო – წყლის ტრანსპორტის მოძრაობის უსაფრთხოების ან ექსპლუატაციის წესის დარღვევა.
