მარეგულირებელმა „TV ERA“ დააჯარიმა

საქართველოს კომუნიკაციების ეროვნულმა კომისიამ  „TV ERA“, საავტორო და მომიჯნავე უფლებების დარღვევის გამო 11 278 ლარით დააჯარიმა.

კომისიის გადაწყვეტილებით შპს „TV ERA“-მ „ლიტერატურული და მხატვრული ნაწარმოებების დაცვის“ ბერნის კონვენცია, „ისმო“ საავტორო უფლებების დაცვის შესახებ ხელშეკრულება, „საავტორო და მომიჯნავე უფლებების შესახებ“  და „ელექტრონული კომუნიკაციების შესახებ“ საქართველოს კანონები დაარღვია. ამის შესახებ ინფორმაცია  მარეგულირებლის ოფიციალურ ვებგვერდზეა ხელმისაწვდომი.

„კომისიის აუდიო-ვიზუალური მომსახურებების მონიტორინგის დეპარტამენტის მიერ ჩატარებული შემოწმების შედეგად, დადგინდა, რომ შპს „TV ERA“ შემდეგ სამაუწყებლო არხებს – „Disney“, “Show”, “футбол 2”, „Авто 24“, „Россия 1”,  „Еврокино“, “History”,“Киносемья”,“Домашний”, “Наш футбол”, “футбол 1”, “Eurosport 1“, “TV 5“, “TV 1000“, “Nickelodeon”, “СТС”, “Евроновости”, “TV 3”, “Иллюзион”,  „ТНТ“, “футбол 3”, „ Матч“, “Eurosport 2“,  “Че”, “Viasat sport espn”, „ТНТ 4”(comedy),  „Ru Tv“ – გადასცემდა ყოველგვარი ლიცენზიისა და ნებართვის გარეშე,“ – ნათქვამია რელიზში.

ვინაიდან შპს „TV ERA“-ს ერთხელ უკვე მიღებული ჰქონდა წერილობითი გაფრთხილება, კომისიის გადაწყვეტილებით კომპანია დაჯარიმდა.  ასევე შპს „TV ERA“-ს დაევალა სამაუწყებლო არხების არამართლზომიერი გადაცემის დაუყოვნებლივ შეწყვეტა.

ნეტგაზეთის მასალების სხვა გამოცემებში გადაბეჭდვის წესი
ავტორი