esaa

ხულოს, შუახევისა და ქედის თითო სკოლის ლაბორატორიებისთვის 60 ათასი ლარი დაიხარჯება

ხულოს, შუახევისა და ქედის მუნიციპალიტეტების თითო საჯარო სკოლის ფიზიკის, ქიმიისა და ბიოლოგიის ლაბორატორიებით აღჭურვაზე აჭარის განათლების სამინისტრო 60 ათასამდე ლარს დახარჯავს.

ლაბორატორიები მოეწყობა:
  • ქედის მუნიციპალიტეტის მახუნცეთის საჯარო სკოლაში;
  • შუახევის მუნიციპალიტეტის სოფელ ფურტიოს საჯარო სკოლაში;
  • ხულოს მუნიციპალიტეტის სოფელ ქედლების საჯარო სკოლაში.

საკონტროლო და გამოსაცდელი აპარატურის, კერძოდ, ფიზიკის, ქიმიისა და ბიოლოგიის ლაბორატორიის აღჭურვილობის შესყიდვა ხორციელდება ქვეპროგრამა – „საჯარო სკოლების მატერიალური ბაზის გაუმჯობესება“ ფარგლებში. დეტალური ინფორმაცია ლაბორატორიების შესახებ იხილეთ ამ ბმულზე.

სამინისტროს მიერ გამოცხადებულ ტენდერში წინადადებების მიღება მიმდინარე წლის 23 თებერვალს დასრულდება.


ამავე თემაზე:

სკოლები საბჭოთა ინვენტარით და მოძველებული ლაბორატორიებით [ვიდეო]

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი ტელ.: [0422] 27 45 12 ელ/ფოსტა: tedobatumi@gmail.com