„ეს არის აქცია ძალადობის წინააღმდეგ და არა ნარკოტიკების პროპაგანდა“

„დღევანდელ აქციაზე ჩვენ გვინდოდა იმის თქმა, რომ პოლიციის ქმედება არ უნდა გადაიზარდოს ძალადობაში, დაკავებაში. დღეს, 11:00 საათზე, ჩვენ შევიკრიბებით კლუბ „ბაქანში“, რომ ყველას ვაჩვენოთ, ეს არის ძალადობის საწინააღმდეგო აქცია და არა ნარკოტიკების პროპაგანდა. ცეკვით, ერთად ყოფნით ვაჩვენოთ ყველას, რომ კლუბური ცხოვრება არ არის ნარკოტიკების პროპაგანდა“ – ამბობს ზურა აბზიანიძე, ბათუმში გამართული აქციის ერთ-ერთი მონაწილე.

დღეს, 12 მაისს, ბათუმში, ახალგაზრდების ჯგუფი თბილისში, კლუბ „ბასიანსა“ და „გალერიში“ სპეცრაზმელების შეჭრასა და მოქალაქეებზე ძალადობას აპროტესტებდა.

ბათუმში ქციის სამი მონაწილე პოლიციამ დააკავა, თუმცა მოგვიანებით სამივე  გაათავისუფლეს.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com