პრესკონფერენცია

აჭარა ქვემო სილეზიის სავოევოდოსთან თანამშრომლობის ახალ ეტაპზე გადავიდა

თანამშრომლობის მოკლე მიმოხილვა

საქართველოსა და პოლონეთის რესპუბლიკას ბოლო წლებია სხვადასხვა მიმართულებით მჭიდრო თანამშრომლობა აკავშირებს. მეგობარ ქვეყნებს შორის ურთიერთობებში გამორჩეულ ადგილს იკავებს რეგიონული თანამშრომლობა აჭარის ავტონომიურ რესპუბლიკასა და სილეზიისა და ქვემო სილეზიის სავოევოდოებს შორის.

თანამშრომლობის ფარგლებში დამეგობრდნენ ქალაქები და კურორტები, ამოქმედდა გაცვლითი საგანმანათლებლო და კულტურული პროგრამები, ჩამოყალიბდა მჭიდრო ურთიერთობები ჯანდაცვის მიმართულებით, გადამზადდნენ ადგილობრივი ექიმები და მედდები, ასევე მუზეუმების, ბათუმის უნივერსიტეტისა და მუნიციპალიტეტების კულტურული სფეროს წარმომადგენლები. თანამშრომლობის ფორმატის გაფართოებისა და განვითარების მიზნით შედგა რამდენიმე ორმხრივი ვიზიტი, რომელთა ფარგლებში მხარეებმა მონაწილეობა მიიღეს ოფიციალურ შეხვედრებში, საერთაშორისო ტურისტულ გამოფენებსა და  ბიზნესფორუმებში.

აჭარის მთავრობის დელეგაციის ვიზიტი  ქვემო სილეზიის რეგიონში

22-24 თებერვალს აჭარის ავტონომიური რესპუბლიკის დელეგაცია, მთავრობის თავმჯდომარის ზურაბ პატარაძის ხელმძღვანელობით, ოფიციალური ვიზიტით პოლონეთს ესტუმრა.  ვიზიტის მიზანს აჭარის ავტონომიურ რესპუბლიკასა და ქვემო სილეზიის სავოევოდოს შორის 2018 წლის თანამშრომლობის გეგმის განხილვა და ქალაქ ვროცლავის საერთაშორისო ტურისტულ გამოფენაში მონაწილეობის მიღება წარმოადგენდა. ვიზიტის ფარგლებში რამდენიმე ოფიციალური შეხვედრა გაიმართა, მათ შორის  ქვემო სილეზიის სავოევოდოს მარშალ ცეზარი ფშიბილსკისთან. შეხვედრაზე მხარეებმა ქვეყნებს შორის ორმხრივი ურთიერთობები და თანამშრომლობის სამომავლო გეგმები განიხილეს. საუბარი შეეხო საქართველოს ევროპული და ევროატლანტიკური ინტეგრაციის პროცესებს. აღინიშნა, რომ ევროატლანტიკურ სივრცეში ინტეგრაციის გზაზე მყოფი საქართველოსთვის უაღრესად მნიშვნელოვანია ისეთი სტრატეგიული ევროპელი პარტნიორის არსებობა, როგორიცაა პოლონეთის რესპუბლიკა.

ზურაბ პატარაძემ ყურადღება გაამახვილა რეგიონებს შორის სავაჭრო-ეკონომიკური და ტურიზმის კუთხით ურთიერთთანამშრომლობის გაღრმავებაზე. აღინიშნა, რომ ორ ქვეყანას შორის მუდმივად იმართება მაღალი რანგის ოფიციალური ვიზიტები როგორც ცენტრალურ, ისე რეგიონულ დონეზე. ასევე დინამიურად ვითარდება ქვეყნებს შორის სავაჭრო-ეკონომიკური ურთიერთობები. ხაზგასმით აღინიშნა რეგიონულ დონეზე თანამშრომლობა, რომელიც მოიცავს ტურიზმის, ეკონომიკის, კულტურულ-ჰუმანიტარულ და ჯანდაცვის სფეროებს.

შეხვედრა ცეზარ ფშიბილსკისთან

შეხვედრა ცეზარ ფშიბილსკისთან

ქვემო სილეზიის სავოევოდოს მარშალთან შეხვედრისას ჩვენ განვიხილეთ თანამშრომლობის მნიშვნელოვანი საკითხები სავაჭროეკონომიკური, პოლიტიკური, ასევე კულტურული მიმართულებით. პირველ რიგში ჩვენ გავამახვილეთ ყურადღება ურთიერთობებზე ეკონომიკისა და ტურიზმის მიმართულებით. აღსანიშნავია, რომ ქვეყნებს შორის უვიზო მიმოსვლის რეჟიმის არსებობა მნიშვნელოვნად უწყობს ხელს ტურიზმის სფეროში თანამშრომლობის განვითარებას. ასევე, აქტიურია ორ ქვეყანას შორის საჰაერო მიმოსვლა. მისასალმებელია, რომ მარტის ბოლოდან ვარშავისა და კატოვიცეს ფრენებს დაემატება პირდაპირი ფრენები კიდევ ერთი პოლონური ქალაქიდან – ვროცლავიდან, რაც უფრო მეტად გაზრდის ტურისტებისა და ვიზიტორების რაოდენობას ორივე ქვეყანაში. ქვემო სილეზიის სავოევოდოს მარშალთან შეხვედრა ძალიან ნაყოფიერი იყო. დაისახა თანამშრომლობის საინტერესო გეგმები-განაცხადა მთავრობის თავმჯდომარემ.

რეგიონულ დონეზე თანამშრომლობის გაღრმავებას მიესალმა ქვემო სილეზიის სავოევოდოს მარშალიც. როგორც ცეზარი ფშიბილსკიმ აღნიშნა, უნდა გააქტიურდეს თანამშრომლობა როგორც ტურიზმისა და კულტურის მიმართულებით, ასევე ბიზნესისა და ეკონომიკის კუთხით.

შეხვედრები ქვემო სილეზიის სავოევოდოს ეკონომიკური თანამშრომლობის სააგენტოში

ქვემო სილეზიის სავოევოდოს ეკონომიკური თანამშრომლობის სააგენტოს ( DAWG) პრეზიდენტთან, ჰუბერტ პაპაისთან შეხვედრის შემდეგ, აჭარის დელეგაციამ რეგიონის საინვესტიციო პოტენციალის შესახებ პრეზენტაცია გაიმართა, რომელსაც DAWG-ის წარმომადგენლები, საქართველო-პოლონეთის სავაჭრო პალატის პრეზიდენტი – სტანისლავ რაზნიევსკი და საქართველოს ელჩი პოლონეთში – ილია დარჩიაშვილი ესწრებოდნენ.

ვიზიტის ფარგლებში ეკონომიკური საბჭო სხდომა გაიმართა

ვიზიტის ფარგლებში ეკონომიკური საბჭო სხდომა გაიმართა

პრეზენტაცია აჭარის რეგიონის საინვესტიციო და ტურისტული პოტენციალის შესახებ აჭარის ა/რ ფინანსთა და ეკონომიკის მინისტრმა, რამაზ ბოლქვაძემ წარადგინა.პრეზენტაციის შემდეგ, მასპინძლებს აჭარის ა/რ მთავრობის თავმჯდომარემ მიმართა სიტყვით და იმ შესაძლებლობებზე ისაუბრა, რომელიც ჩვენს ქვეყანას, კერძოდ, აჭარის ავტონომიურ რესპუბლიკას გააჩნია. ზურაბ პატარაძემ ასევე განიხილა საერთო, ქართულ-პოლონური ეკონომიკური პროექტები. აღსანიშნავია, რომ აჭარაში 6 პოლონური კომპანია ფუნქციონირებს.

დინამიურად ვითარდება ორ ქვეყანას შორის ურთიერთობები კულტურულჰუმანიტარულ, სავაჭროეკონომიკურ და ტურიზმის სფეროებში. თუმცა, ვფიქრობ, არსებული პოტენციალი უფრო მეტის შესაძლებლობას იძლევა, რომელიც აუცილებლად უნდა გამოვიყენოთ. წარმატებულია თანამშრომლობა რეგიონულ დონეზე. სისტემატურად იმართება ბიზნეს და ტურისტული ფორუმები, რომლებშიც ჩვენი რეგიონები აქტიურად იღებენ მონაწილეობას. მოხარული ვარ, რომ მიმდინარე წლის 3-5 აპრილს, ქვ. სილეზიის სავოევოდოს ოფიციალური დელეგაციის ვიზიტის ფარგლებში, . ბათუმში აჭარაქვემო სილეზიის ბიზნეს ვორშოპი გაიმართება -აღნიშნა აჭარის ა/რ მთავრობის თავმჯდომარემ.

ზურაბ პატარაძემ მზადყოფნა გამოთქვა პირადად ჩაერთოს ქართველი და პოლონელი ბიზნესმენების უფრო დაახლოების საქმეში. მისი თქმით, ორი ქვეყნის ბიზნეს და საქმიანი წრეების თანამშრომლობა იქნება წინგადადგმული ნაბიჯი პოლონეთთან რეგიონული თანამშრომლობის ახალ ეტაპზე გადასვლის.

ოფიციალური შეხვედრების შემდეგ, გაიმართა ქვემო სილეზიის სავოევოდოს ჟურნალისტების მიერ აჭარის შესახებ გადაღებული დოკუმენტური ფილმის „აჭარა – ბეშუმიდან ბათუმამდე“ ჩვენება. ფილმში აჭარის რეგიონის შესახებ პერსონალურ შთაბეჭდილებებს გადმოსცემდნენ ფოტოგრაფები, რომლებიც ერთობლივი პროექტის „ფოტოების დიალოგის“ ფარგლებში ჩვენს რეგიონში იმყოფებოდნენ. აღსანიშნავია, რომ ქართველი და პოლონელი ხელოვანების ფოტოები უკვე გამოიფინა ქვემო სილეზიის საგამოფენო სივრცეში, ქალაქ ვროცლავის FOTO-GEN გალერეაში გასული წლის დეკემბერში, ხოლო ქართველი დამთვალიერებელი კი პროექტის შედეგებს ბათუმში 17 თებერვალს გაეცნო.

აჭარის დელეგაცია ქალაქ ვროცლავის ოკეანერიუმის მუშაობას გაეცნო

აჭარის მთავრობის თავმჯდომარემ ზურაბ პატარაძემ და ქალაქ ბათუმის მერმა ლაშა კომახიძემ, დელეგაციის წევრებთან ერთად, ვროცლავში მდებარე აფრიკარიუმი დაათვალიერეს, რომელიც ევროპაში ერთ-ერთ ყველაზე მიმზიდველ და უნიკალურ ტურისტულ ატრაქციად მიიჩნევა.

ოკეანერიუმი

ოკეანერიუმი

აჭარის მთავრობის თავმჯდომარემ ზურაბ პატარაძემ და ქალაქ ბათუმის მერმა ლაშა კომახიძემ, დელეგაციის წევრებთან ერთად, ვროცლავში მდებარე აფრიკარიუმი დაათვალიერეს, რომელიც ევროპაში ერთ-ერთ ყველაზე მიმზიდველ და უნიკალურ ტურისტულ ატრაქციად მიიჩნევა.

აჭარის რეგიონის ხელმძღვანელობა, გამოცდილების გაზიარების მიზნით, ვროცლავის წყალმომარაგებას, წყლის გაწმენდის სისტემებსა და სხვა ინფრასტრუქტურულ პროექტებს  გაეცნო.

ოკეანერიუმი

ოკეანერიუმი

ვროცლავის საერთაშორისო ტურისტული გამოფენა 2018

პოლონეთის რესპუბლიკაში ვიზიტის ფარგლებში აჭარის დელეგაციამ ვროცლავში გამართულ საერთაშორისო ტურისტული გამოფენის გახსნის ცერემონიალში მიიღო მონაწილეობა. ღონისძიებაზე მოწვეულ სტუმრებს სიტყვით მიმართა აჭარის ა/რ მთავრობის თავმჯდომარემ.

პოლონეთში ერთ-ერთ ყველაზე ხალხმრავალ გამოფენაზე, ვიზიტორები აჭარის ტურისტული პროდუქტებითა და რეგიონში მოგზაურობით დაინტერესდნენ. გამოფენაზე ვიზიტორების განსაკუთრებული ყურადღება კი ეკოტურისტულ, სამთო და კულინარიულ მარშრუტებზე გაკეთდა. აღნიშნულ გამოფენაზე საქართველო პარტნიორი ქვეყნის სტატუსით პირველად წარსდგა. აჭარის ა/რ ტურიზმის და კურორტების დეპარტამენტი წელსაც გააგრძელებს სარეკლამო და პიარ ღონისძიებებს პოლონეთში და წლის ბოლომდე ორ გამოფენაში მიიღებს მონაწილეობას.

კურორტებსშკლარსკა პორემბასადა ,,გოდერძსშორის ურთიერთთანამშრომლობას ჩაეყარა საფუძველი

ვიზიტის დასასრულს, აჭარის დელეგაციის წარმომადგენლები კურორტ შკლარსკა პორემბას ეწვივნენ, ქალაქის მერთან მიროსლაუ გრაფისთან და ხელმძღვანელ პირებთან ერთად, კურორტი დაათვალიერეს, მის ტურისტულ პოტენციალსა და სტრუქტურას გაეცნენ.  გაიმართა  კურორტზე არსებული სპორტული და განთავსების ობიექტების, ასევე, სამთო-სათხილამურო ინფრასტრუქტურის პრეზენტაცია. დელეგაციის წევრები ქვემო სილეზიის რეგიონის ინოვაციისა და მეცნიერების პარკის წარმომადგნელებს შეხვდნენ. ზურაბ პატარაძემ მადლობა გადაუხადა პოლონურ მხარეს საინტერესო დახვედრისათვის და ორ რეგიონს შორის საინტერესო, მზარდ ურთიერთობებზე ისაუბრა. მისი თქმით,  ჩვენს ქვეყნებს შორის ასეთი მჭიდრო კავშირები განსაკუთრებული ურთიერთობების დასტურია, რასაც უდიდესი განვითარების პერსპექტივა აქვს.

შკლარსკა პორემბა

შკლარსკა პორემბა

ქვემო სილეზიის ინოვაციისა და მეცნიერების პარკსა და აჭარის ავტონომიური რესპუბლიკის ტურიზმისა და კურორტების დეპარტამენტს შორის ხელი მოეწერა განზრახვის წერილს, რომელიც მიზნად ისახავს ზამთრის საკურორტო ცენტრებს- პოლონეთის შკლარსკა პორემბა იაკუშეცის და საქართველოს კურორტ ,,გოდერძის“ შორის თანამშრომლობის ჩამოყალიბებას.

  • ქართულ დელეგაციას პოლონეთის რესპუბლიკაში წარმოადგენდნენ აჭარის ა/რ ფინანსთა და ეკონიმიკის მინისტრი რამაზ ბოლქვაძე, ქალაქ ბათუმის მერი ლაშა კომახიძე, აჭარის ა/რ ტურიზმისა და კურორტების დეპარტამენტის თავმჯდომარე სულხან ღლონტი და აჭარის ა/რ მთავრობის აპარატის პროტოკოლის დეპარტამენტის უფროსი ირაკლი ბერიძე.

ზურაბ პატარაძემ და ცეზარ ფშიბილსკიმ ერთობლივი პრესკონფერენცია გამართეს

ქვემო სილეზიის სავოევოდოს მარშალმა და აჭარის ა/რ მთავრობის თავმჯდომარემ ერთობლივი პრესკონფერენცია გამართეს, სადაც ადგილობრივი ჟურნალისტების კითხვებს უპასუხეს.

პოლონური მედიის დაინტერესება აჭარის ავტონომიური რესპუბლიკით საკმაოდ მაღალია. ინტერესის სფერო ტურიზმის გარდა ჩვენი რეგიონის საინვესტიციო პოტენციალია.

პრესკონფერენცია

პრესკონფერენცია

აჭარის სანაპირო ზოლი, ტურიზმი და ახალი მიმართულებები, სამთო-სათხილამურო კურორტები, გოდერძი და გომარდული, სოფლის მეურნეობის დარგში დაგეგმილი პროექტები, ბათუმის პორტი და ტვირთების ტრანზიტი – ამ და სხვა თემებზე ზურაბ პატარაძემ პოლონურ მედიას ამომწურავი ინფორმაცია მიაწოდა. მხარეებმა, ასევე, შეაჯამეს შეხვედრა, რომელზეც დაისახა სამომავლო თანამშრომლობის გეგმები.

აჭარის ა/რ მთავრობის თავმჯდომარის შეფასებით, ორმხრივი თანამშრომლობა პოლონეთის რესპუბლიკის ქვემო სილეზიის სავოევოდოსთან  ტურიზმის, ეკონომიკის, ჯანდაცვის, განათლებისა და კულტურის მიმართულებით  განვითარების ახალ ეტაპზე გადავიდა.

 

 

ნეტგაზეთის მასალების სხვა გამოცემებში გადაბეჭდვის წესი


ავტორი