საბავშვო ბაღი „აისი“ – გარემო, რომელსაც თქვენი შვილებისთვის ეძებთ

ბათუმში 40-ზე მეტი კერძო საბავშვო ბაღია. მრავალფეროვანი და კონკურენტული გარემოს მიუხედავად, ბევრ უკმაყოფილო მშობელს შეხვდებით, რომლებიც თავიანთ ბავშვებს ხშირად უცვლიან საბავშო ბაღს. ამას აქვს თავისი ობიექტური თუ სუბიექტური მიზეზები, მაგრამ ზოგიერთი მოზარდისთვის ეს ფსიქოლოგიურად რთულად გადასატანია.

როგორი უნდა იყოს საბავშვო ბაღი, სადაც შვილს მიიყვანთ და სტაბილურად ატარებთ? – ამ კითხვაზე მშობელთა უმეტესობა გიპასუხებთ:

  • უნდა იყოს ქალაქის ცენტრალურ ნაწილში და ჰქონდეს ხელსაყრელი მდებარეობა
  • უნდა ჰქონდეს მყუდრო ეზო და, შესაბამისად, იყოს უსაფრთხო გარემო
  • უნდა იყოს სუფთა
  • არ იყოს ჯგუფებში ბევრი ბავშვი, რომ ყურადღება არ მოაკლდეს თავის შვილს
  • გარდა იმისა, რომ უსაფრთხო, სუფთა და კეთილმოწყობილ გარემოში იქნება, პიროვნულად და უნარ-ჩვევებითაც მზად იყოს სკოლისთვის.

ბაგა-ბაღი „აისი“ 2016 წლის დასაწყისში გაიხსნა. თავდაპირველად ბაღს სულ სამი აღსაზრდელი ჰყავდა. ორი წლის განმავლობაში ათეულობით ბავშვმა მიიღო აქ სკოლამდელი განათლება და არც ერთი ბავშვი შეთანხმებულზე ადრე არ გადაუყვანია უკმაყოფილო მშობელს.

ბაღი ს. ხიმშიაშვილის ქუჩა #24-ში მდებარე სამსართულიან სახლში ფუნქციონირებს, რომელსაც მყუდრო და დიდი ეზო აქვს. ჭიშკარში შესვლისთანავე თვალში გეცემათ გაფერადებული და მოხატული კედლები, რაც მიგვანიშნებს, რომ აქ სივრცე ბავშვებს ეკუთვნით. საბავშვო ბაღის კარებს შეაღებთ თუ არა, ყურადღებას მიიქცევს განსაკუთრებული სისუფთავე და სიმყუდროვე, რომელსაც დროდადრო მხოლოდ ბავშვების ხმები არღვევს – ისინი შემეცნებით დავალებებს აღმზრდელებთან ერთად მხიარული თამაშით ასრულებენ.

მოხატული კედლები მიგვანიშნებს, რომ აქ სივრცე ბავშვებს ეკუთვნით.

მოხატული კედლები მიგვანიშნებს, რომ აქ სივრცე ბავშვებს ეკუთვნით.

„ძირითადი ფაქტორი, რატომაც ბავშვები ჩვენთან მოჰყავთ, არის ოჯახური, თბილი გარემო, მზრუნველი და ბავშვების მოსიყვარულე ძიძებით. ხშირად ვხუმრობთ და ისეთი განცდა გვაქვს, თითქოს ბებიასთან მოჰყავთ და ტოვებენ ბავშვებს“, – ამბობს ბაგა-ბაღის დირექტორი და დამფუძნებელი, მირანდა დიასამიძე.

რატომ ბავშვთა ბაღი და არა სხვა ბიზნესი? – ვკითხეთ მირანდას. ის ამბობს, რომ ამისათვის განსაკუთრებული მიზეზი აქვს: „ყოველთვის ბავშვებით სავსე გარემოში ვცხოვრობდი. ძალიან მიყვარს ბავშვები, მათთან ურთიერთობა. ამიტომ გადავწყვიტე, რომ მათი სიყვარული დამეხმარებოდა საქმის კეთებაში. უშუალოდ ვარ ჩართული ყველა პროცესში, ვურთიერთობ აღმზრდელებთან და ძიძებთან ერთად ბავშვებთან. ეს მაძლევს საშუალებას, რომ თითოეულს ვიცნობდე, ვიცოდე რა სწყინთ, უხარიათ, როდის ჭირვეულობენ. მსიამოვნებს მათთან მუშაობა, ამიტომ ეს საქმე ჩემთვის უფრო მეტია, ვიდრე სხვა ბიზნესი“.

ბაგა - ბაღი აისის აღსაზრდელები

ბაგა – ბაღ „აისის“ აღსაზრდელები

„აისის“ თითოეულ ჯგუფში მხოლოდ 10-10 ბავშვია. ეს აღმზრდელებს აძლევს საშუალებას, არც ერთი ბავშვი არ დარჩეს  ყურადღების გარეშე.

ბაღის აღსაზრდელებს მრავალფეროვანი დღის რეჟიმი აქვთ – ისინი ახერხებენ ისწავლონ, ითამაშონ, დაისვენონ და ჯანსაღად იკვებონ.

დღის რეჟიმში შედის:
  • სამჯერადი კვება
  • შუადღის ძილი
  • ეზოში გასეირნება და თამაში
  • თანამდეროვე მეთოდების გამოყენებით სწავლება – ეს თამაშით და კეთებით სწავლებას გულისხმობს.

ბაგა-ბაღი მუშაობს სამუშაო დღეებში დილის 8:30-დან საღამოს 19:00 საათამდე. ჩვენთან ვიღებთ ბავშვებს 1 წლისა და ორი თვის ასაკიდან 6-წლამდე.

რაც შეეხება გადასახადს, ის ბათუმში არსებულ შეთავაზებებს შორის საუკეთესოა და თვეში 180 ლარია.

ნეტგაზეთის მასალების სხვა გამოცემებში გადაბეჭდვის წესი


ავტორი