Batumelebi | ცემეს თუ არა დაკავებულები პოლიციაში ცემეს თუ არა დაკავებულები პოლიციაში – Batumelebi
RU | GE  

ცემეს თუ არა დაკავებულები პოლიციაში


ბათუმის მე-6 განყოფილების პოლიციელებმა სამი პირი დააკავეს. სახალხო დამცველის წარმომადგენლის, გიორგი ჩარკვიანის ინფორმაციით, ერთ-ერთ დაკავებულებს სახეზე აღენიშნება დაზიანება. „ამ პირმა ჩემთან საუბარში არ დაადასტურა, რომ მას პოლიციელებმა სცემეს“, – ამბობს გიორგი ჩარკვიანი. 

პოლიციის მე-6 განყოფილების  ფოიეში ამბობენ, რომ დაკავებულმა პირებმა სიტყვიერად შეურაცხყვეს პოლიციელები. „ძაღლებო ახლა ჩვენი დროა, იძახდნენ და არ დაემორჩილნენ პოლიციას“, – ამბობს ერთ-ერთი პოლიციელი, რომელიც უარს ამბობს თავისი ვინაობის გამხელაზე.


დაკავებულებს ნარკოლოგიურ შემოწმებას დღესვე ჩაუტარებენ. თუ დაკავებულები არ არიან ნარკოტიკის ზემოქმედების ქვეშ, მათ ადმინისტრაციულ ჯარიმას დააკისრებდნენ. „სამი პირია დაკავებული. ორი, როგორც თვითონ თქვეს, ცოტა ხნის წინა გამოვიდა ციხიდან“, – უთხრა „ბათუმელებს“ ამ განყოფილების გამომძიებლის, ჯემალ ნინიძემ.


აქვს თუ არა ერთ-ერთ დაკავებულს თვალის არეში დაზიანება? – ამ კითხვის საპასუხოდ ჯემალ ნინიძემ ამბობს, რომ პრესცენტრს დავუკავშირდეთ.

ნეტგაზეთის მასალების სხვა გამოცემებში გადაბეჭდვის წესი
ბათუმელები