გასულ წელთან შედარებით (3 076 900 ლარი) ეს თანხა 204 800 ლარითაა გაზრდილი. დეპარტამენტი სპორტის ხელშეწყობაზე 2 465 600 ლარს დახარჯავს, ახალგაზრდულ საქმეთა სფეროს ხელშეწყობისთვის კი – 403 700 ლარს.
2015 წელს დეპარტამენტის ბიუჯეტში არ არის გათვალისწინებული თანხა სტადიონებისა და სპორტული ბაზების მშენებლობა-რეაბილიტაციისთვის (ეს პროგრამა არ განხორციელებულა არც 2014 წელს, 2013 წელს კი 127 700 ლარი დაიხარჯა) და აჭარის ნაკრები გუნდების წევრების პირველობების გამარჯვებულებისა და პრიზიორების სპორტული ფორმებით აღჭურვისთვის (2014 წელს ამ პროგრამაზე 122 500 ლარი იყო გამოყოფილი).
დეპარტამენტში 19 თანამშრომელი ფიქსირდება. 2015 წელს მათი შრომის ნაზღაურებისთვის 311 700 ლარია გამოყოფილი.
