Batumelebi | ფინალისტები და მედალოსანი ფინალისტები და მედალოსანი – Batumelebi
RU | GE  

ფინალისტები და მედალოსანი

ირაკლი დარცმელიძე

 

თურქეთის დედაქალაქ ანკარაში გამართულ საერთაშორისო ტურნირზე სპორტულ ცეკვებში, რომელშიც 14 ქვეყანა მონაწილეობდა, წარმატებით გამოვიდნენ ბათუმელი მოცეკვავეები (მწვრთნელი – ნინო ქავზინაძე).

 

იუვენალეთა (პატარები) შორის ბათუმელებმა ნიკა მუჯირმა და მეგი ხალვაშმა როგორც ლათინურ, ასევე ევროპულ ცეკვებში მესამე ადგილი დაიკავეს. ფინალისტთა (ექვსი საუკეთესო) შორის მოხვდნენ ამირან ბახტაძისა და ქრისტინე მალაყმაძის (ახალგაზრდები) და გოგა სარანტიდისა და ლიზი პაპუნიძის წყვილები. დეკემბრის დასაწყისში კი უკვე ბათუმი უმასპინძლებს საერთაშორისო ტურნირს სპორტულ ცეკვებში „ბათუმი ოუფენ“, რომელიც ტრადიციულია და მერვედ ტარდება. შეჯიბრი ახალგაზრდებსა და უფროსი ასაკის მოცეკვავეებს შორის გაიმართება.

 

 

 

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე