დღეს, 28 აპრილს, აჭარის „ოცნების“ უმაღლესმა საბჭომ აჭარის მთავრობის თავმჯდომარის პოსტზე ზურაბ პატარაძე, ასევე აჭარის მთავრობის შემადგენლობა დაამტკიცა. ზურაბ პატარაძეს უმაღლესი საბჭოს 13-მა დეპუტატმა დაუჭირა მხარი.
ზურაბ პატარაძე ამ თანამდებობაზე „ოცნების“ პრეზიდენტმა, მიხეილ ყაველაშვილმა წარადგინა. აჭარის მთავრობის შემადგენლობა ზურაბ პატარაძემ უცვლელი დატოვა.
აჭარაში „ოცნების“ მთავრობის თავმჯდომარის თანამდებობაზე 2026 წლის 22 აპრილამდე სულხან თამაზაშვილი მუშაობდა, რომელიც შინაგან საქმეთა მინისტრად გადაიყვანეს. მანამდე კი თორნიკე რიჟვაძე 7 წლის განმავლობაში იკავებდა ამ თანამდებობას, თუმცა მან თავისი პოლიტიკური კარიერა, გამოძიების ვერსიით, თვითმკვლელობის მცდელობით დაასრულა.
ზურაბ პატარაძე აზერბაიჯანში საქართველოს ელჩის თანამდებობაზე მუშაობდა 2018 წლის ივლისიდან. მანამდე კი, 2016-2018 წლებში, იყო აჭარის მთავრობის თავმჯდომარე.
ზურაბ პატარაძეს აქვს მრავალწლიანი დიპლომატიური კარიერა. ის სხვადასხვა დროს იყო ელჩი ყაზახეთსა და თურქეთში.
ამ თემაზე:
ზურაბ პატარაძეს დედამ და სიდედრმა 196 000 დოლარი აჩუქეს – რა ქონებას ფლობს ის დეკლარაციის მიხედვით
