მაშინ, როცა „ქართული ოცნების“ არალეგიტიმურ და ანტიკონსტიტუციურ მთავრობაში ხელფასები ათასობით იზრდება, ბათუმის მერია სოციალურ სასადილოებში ერთი ადამიანის სადილში 1 ლარსა და 57 თეთრს ხარჯავს.
რამდენად სამართლიანია მაღალჩინოსნების ხელფასების გაზრდა? მაგალითად, 2026 წლიდან პრეზიდენტის, პრემიერის და პარლამენტის თავმჯდომარის ხელფასები 1400-1400 ლარით გაიზარდა და უკვე 16 000 ლარია, მინისტრების ხელფასი 13 600 ლარი გახდა, დეპუტატებისა – 12 800.
აჭარის მთავრობის თავმჯდომარის ხელფასიც გაიზარდა 1190 ლარით და უკვე 13 600 ლარია. ანალოგიურია აჭარის უმაღლესი საბჭოს თავმჯდომარის ხელფასიც.
რას ამბობს ხალხი ბათუმში ამ თემაზე? – ნახეთ „ბათუმელების“ გამოკითხვა.
