დღეს, 17 ნოემბერს, ბათუმის ბულვარში მდებარე „ბათუმი თაუერის“ აპარტამენტის შენობაში ხანძარი გაჩნდა.
სახანძრო-სამაშველო სამსახურის ინფორმაციით, ხანძრის კერა ერთ-ერთ აპარტამენტში გაჩნდა, რომელშიც არავინ იმყოფებოდა.
სამაშველო სამსახურის ინფორმაციით, ხანძარი უკვე ლიკვიდირებულია, ხანძრის შედეგად არავინ დაშავებულა.
როგორც „ბათუმელებს“ ადგილზე უთხრეს, ცეცხლი მე-6 სართულზე, სავარაუდოდ, ელექტროსადენებს გაუჩნდა.
ამ დროისთვის [14:50 სთ] „ბათუმი თაუერის“ მიმდებარე ტერიტორია ყვითელი ლენტითაა შემოსაზღვრული და შენობაში არავის უშვებენ. ადგილზე იმყოფებიან მეხანძრეებიც.
„ბათუმი თაუერში“ ხანძარი ლიკვიდირებულია / 17.11.2025
ამავე კომპლექსშია სასტუმრო „მერიდიანიც“. სასტუმროში „ბათუმელებს“ უთხრეს, რომ „ბათუმი თაუერთან“, სადაც ხანძარი იყო, მათ შეხება არ აქვთ.
„ბათუმი თაუერში“ ხანძარი ლიკვიდირებულია / 17.11.2025
