ავტოავარია მოხდა ქედაში დღეს, 31 მარტს. სოფელ წონიარისთან ავტომანქანა, რომელშიც სამი ადამიანი იმყოფებოდა, გზიდან გადავარდა.
მანქანაში მყოფი ერთი პირი დაიღუპა, ორი ადამიანი კი კლინიკაში გადაიყვანეს.
შს სამინისტროს ცნობით, ფაქტზე დაწყებულია გამოძიება.
გამოძიება სისხლის სამართლის კოდექსის 276-ე მუხლით მიმდინარეობს – ტრანსპორტის მოძრაობის უსაფრთხოების ან ექსპლუატაციის წესის დარღვევა.
