31 წლის ჟურხა ცინცაძეს დაუდგინდა მწვავე მონობლასტური ლეიკემია AML-M5a.
ის ამჟამად თურქეთის კლინიკაში იმყოფება, სადაც ოპერაციამდე საჭირო გამოკვლევებს უტარებენ. თუმცა მისი მკურნალობა შეიძლება ვერ გაგრძელდეს, რადგან ჟურხას ოჯახს საკმარისი სახსრები არ აქვს.
„ძალიან დიდ თანხებთან არის დაკავშირებული ჩემი ძმის მკურნალობა. სამწუხაროდ ოჯახს არ გვაქვს საშუალება, რომ ეს თანხები მოვიძიოთ. რა თანხის შეგროვებაც შევძელით, იმ თანხით გავუშვით თურქეთში. საკმაოდ მძიმე მდგომარეობაშია. როგორც კლინიკაში გვითხრეს სასწრაფოდ სჭირდება გამოკვლევების ჩატარება, ამ კვლევების ფული კი არ გვაქვს.
პირველი ეტაპის მკურნალობა სახელმწიფომ დააფინანსა, დამატებითი თანხაც მოგვცეს, მაგრამ იმდენად ძვირი ჯდება ლეიკემიის მკურნალობა, რომ ეს თანხა არ აღმოჩნდა საკმარისი. ახლა გვაქვს ინვოისი თურქეთის კლინიკიდან, დაახლოებით 47 ათასი დოლარია დაახლოებით საჭირო,“ – უთხრა „ბათუმელებს“ ჟურხა ცინცაძის ძმამ, ჯიმშერ ცინცაძემ.
მან მოგვაწოდა თურქეთის კლინიკიდან გამოგზავნილი ინვოისიც.
——————————————-
