ბათუმის მერიის ინფორმაციით ჩაქვისა და ჩაისუბნის სათავე ნაგებობებზე წყლის დონის მაქსიმალური ზრდისა და ამღვრევის გამო წყლის მიწოდება ვერ ხერხდება ე.წ. ძველი ქსელის აბონენტებისთვის.
„ნაწილობრივ შეზღუდულია წყალმომარაგება გოროდოკის, ბარცხანისა და თამარის დასახლების აბონენტებისთვის. ასევე, ჩაქვის, განთიადისა და მახინჯაურის მოსახლეობისთვის. წყალმომარაგება სათავე ნაგებობაზე წყლის დონის დაწევისთანავე აღდგება,“ – აღნიშნულია მერიის მიერ გავრცელებულ განცხადებაში.
აჭარაში ამინდი 14 ოქტომბერს გაუარესდა. გარემოს ეროვნული სააგენტოს ჰიდრომეტეოროლოგიური ცენტრის ინფორმაციით, განსაკუთრებით ძლიერი ქარი მოსალოდნელია 16 ოქტომბერს, შესაბამისად, შავ ზღვაზე უნდა ველოდოთ შტორმსაც – 4-5 ბალამდე.
ამ დღეების განმავლობაში მთაში ითოვებს და არ არის გამორიცხული მეწყრული პროცესების გააქტიურება.
აჭარის სანაპირო ზოლში ამ დროისთვის ქარი და წვიმაა.
