სასტუმრო სექტორში ტურისტთა რაოდენობრივი მაჩვენებლით პირველ ათეულში შემდეგი ქვეყნები არიან: თურქეთი, აზერბაიჯანი, რუსეთი, უკრაინა, სომხეთი, პოლონეთი, ისრაელი, ბელორუსია, ყაზახეთი, ლიტვა.
2014 წელს უცხოელ ტურისტთა შორის ზრდის პროცენტული მაჩვენებლით გამოირჩევა ყაზახეთი (106,5%), ბელორუსია (53,2%), სომხეთი (36,7%), აზერბაიჯანი (29,7%), პოლონეთი (29,1%), რუსეთი (21,9%), უკრაინა (12,9%) და ისრაელი (8,2%). ამ ჯგუფში შედის სწორედ ის ქვეყნები, რომელთა სამიზნე ტურისტული ბაზრებია და სადაც აჭარის ტურიზმისა და კურორტების დეპარტამენტი აწარმოებს აქტიურ მარკეტინგულ და სარეკლამო ღონისძიებებს.
აღსანიშნავია, რომ აჭარაში შემოსულ დამსვენებელთა დიდი ნაწილი კერძო სექტორშია განთავსებული, რომელთა აღრიცხვა რთულია. ამ პრობლემის გადასაჭრელად, აჭარის ტურიზმის დეპარტამენტში მიმდინარეობს მუშაობა სტატისტიკის ახალ მეთოდოლოგიაზე, რომელიც სხვადასხვა კველევას დაეფუძნება და რეგიონში ტურისტთა რაოდენობის რეალურ სურათს შექმნის.
დადებითი ტენდენცია ნარჩუნდება ბათუმის საერთაშორისო აეროპორტში შემოსული უცხოელი ტურისტების რიცხობრივ მაჩვენებელში. 2014 წლის მანძილზე ბათუმის საერთაშორისო აეროპორტში შემოსული უცხოელი ტურისტების რაოდენობა 19%-ით აღემატება 2013 წლის, ხოლო 44%-ით 2012 წლის მონაცემებს.
69,8%-ითაა გაზრდილი აჭარის ტურიზმის საინფორმაციო ცენტრების მომსახურებით მოსარგებლე ტურისტების რაოდენობა.
