საავტორო კინოს ბათუმის მე-12 კინოფესტივალის მხატვრული ფილმების კონკურსის ჟიურის თავმჯდომარეა მოჰსენ მახმალბაფი [ირანი/საფრანგეთი]. ჟიურის წევრები არიან: ნუცა ალექსი-მესხიშვილი [საქართველო], დიანა აშიმოვა [ყაზახეთი], სიდიქ ბარმაკი [საფრაგენთი] და ბორის შულმანი [შვედეთი].
დოკუმენტური ფილმების კონკურსის ჟიურის თავჯდომარე ალექსანდრე რეხვიაშვილი იქნება საქართველოდან. ჟიურის წევრები არიან: შონ მაკალისტერი [დიდი ბრიტანეთი], მეჰმეტ ალი არსლანი [თურქეთი], ვიქტორ კუფალი [გერმანია] და სეიფოლა სამადიანი [ირანი].
მოკლემეტრაჟიანი ფილმების კონკურსის ჟიურის თავმჯდომარე საფარ ჰაქდადოვი [ტაჯიკეთი] იქნება. ჟიურიში არიან: ჰანა მახმალბაფი [დიდი ბრიტანეთი] და ნინელი ჭანკვეტაძე [საქართველო].
ბათუმის საავტორო კინოფესტივალი წელს მეთორმეტედ იმართება. ფესტივალი 17 სექტემბერს გაიხსნება და 24 სექტემბრამდე გასტანს.
ფესტივალის პროგრამა მოიცავს სამ საკონკურსო სექციას – მხატვრული, დოკუმენტური და მოკლემეტრაჟიანი ფილმები.
კინოჩვენებებზე დასწრება უფასოა. კინოთეატრ „აპოლოში“ ჩვენებებზე დასწრებისთვის საჭიროა – ე.წ. „უფასო ბილეთების“ აღება ( რაც რეზევირების და კონტროლისთვის გამოიყენება) კინოთეატრში BIAFF -ის საინფორმაციო ცენტრში.
ბათუმის საერთაშორისო კინოფესტივალი 2006 წელს დაარსდა და მისი ორგანიზატორია ბათუმის ხელოვანთა სახლი „არგანი”, ოფიციალური პარტნიორი – ბათუმის მერია.
____________________________