Batumelebi | რა თქვა პრემიერმა ბუკიკიოსთან შეხვედრის შემდეგ რა თქვა პრემიერმა ბუკიკიოსთან შეხვედრის შემდეგ – Batumelebi

რა თქვა პრემიერმა ბუკიკიოსთან შეხვედრის შემდეგ

ბათუმში ევროპის საკონსტიტუციო სასამართლოების მე-17 კონგრესი გაიხსნა. კონგრესის გახსნამდე, ვენეციის კომისიის თავმჯდომარეს, ჯანი ბუკიკიოს პრემიერი გიორგი კვირიკაშვილი და პარლამენტის თავმჯდომარე შეხვდნენ.

„ჩვენ გავაკეთეთ ძალიან მნიშვნელოვანი პოლიტიკური კომპრომისი და ახლა მნიშვნელოვანია, ოპოზიციამაც შეხედოს ამ კომპრომისებს, როგორც მნიშვნელოვან მიღწევას,“ – აღნიშნა შეხვედრიდან გამოსულმა გიორგი კვირიკაშვილმა. მან არ დააკონკრეტა, რა იგულისხმება ხელისუფლების მხრიდან კომპრომისში.

„მე მადლობა გადავუხადე ვენეციის კომისიის თავმჯდომარეს იმ განცხადებებისთვის, რაც მან გააკეთა,“ – თქვა ირაკლი კობახიძემ. მან აქცენტი კონსენსუსსა და ლეგიტიმურობაზე გააკეთა.

„ჩვენ ავუხსენით მას, თუ რა გავაკეთეთ იმისთვის, რომ შემდგარიყო კონსესუსი, რა განაპირობებდა გადაწყვეტილების მიღებას, რომლის საფუძველზეც ჩამოყალიბდა საბოლოო დოკუმენტი. ეს იქნება არათუ ლეგიტიმური, არამედ დახვეწილი დოკუმენტი. ის გამორიცხავს ავტოკრატიას გრძელვადიან პერსპექტივაში,“- განაცხადა ირაკლი კობახიძემ.

მოკლე კომენტარით შემოიფარგლა თავად ჯანი ბუკიკიო, ვენეციის კომისიის ხელმძღვანელი. მან კიდევ ერთხელ ახსენა ფართო კონსესუსის მიღწევის აუცილებლობა და თქვა, რომ დიალოგი გაგრძელდება.

დღის მეორე ნახევარში ჯანი ბუკიკიო პრეზიდენტ გიორგი მარგველაშვილს, ასევე ოპოზიციის წარმომადგენლებს შეხვდება.

IMG_20170629_110846

ვენეციის კომისიის პრეზიდენტმა, ჯანი ბუკიკიომ საკონსტიტუციო ცვლილებების პროექტში ქვეყნის პროპორციულ საარჩევნო სისტემაზე გადასვლის 2024 წლამდე გადავადება შეაფასა. როგორც ბუკიკიომ ბათუმში ჩასვლის შემდეგ ჟურნალისტებს უთხრა,  ამ გადაწყვეტილებით დამწუხრებული და იმედგაცრუებულია.

 

ნეტგაზეთის მასალების სხვა გამოცემებში გადაბეჭდვის წესი
ავტორი