Batumelebi | მერია მოქალაქეს სასამართლოში უჩივის – სამხედრო ვალდებულების მოხდისგან თავის არიდების მცდელობა მერია მოქალაქეს სასამართლოში უჩივის – სამხედრო ვალდებულების მოხდისგან თავის არიდების მცდელობა – Batumelebi
RU | GE  

მერია მოქალაქეს სასამართლოში უჩივის – სამხედრო ვალდებულების მოხდისგან თავის არიდების მცდელობა

ბათუმის მერია მოქალაქე რამაზ ირემაძეს სასამართლოში უჩივის. დავის საგანი სამხედრო სავალდებულო სამსახურისგან თავის არიდების მცდელობაა. საქმეს მოსამართლე ინდირა მაშანეიშვილი განიხილავს, თუმცა დღევანდელ პროცესზე მოქალაქე არ გამოცხადდა.

„ამ მოქალაქემ არ ჩაიბარა უწყება სამხედრო გაწვევის შესახებ. უწყებას წვევამდელებს მერიის გამგეობის წარმომადგენლები აბარებენ. ჩვენ შევადგინეთ ადმინისტრაციული სამართალდარღვევის ოქმი, რაც 1000 ლარით დაჯარიმებას ითვალისწინებს“, – ამბობს ნინო სურგულაძე, ბათუმის მერიის იურისტი.

ჯარიმის გადაუხდელობა ან უწყების კიდევ ერთხელ ჩაუბარებლობა, კანონის მიხედვით,  30 დღემდე ადმინისტრაციული პატიმრობით ისჯება. მერიის იურისტი განმარტავს, რომ მსგავსი დავა მერიას თვეში რამდენიმე აქვს და უმეტეს შემთხვევაში, როცა მოქალაქე სასამართლოში ცხადდება, დავა შეთანხმებით სრულდება. „ამ დროს სასამართლო მხოლოდ შენიშვნის მიცემით შემოიფარგლება,“ – დასძენს ნინო სურგულაძე.

დღევანდელ პროცესზე მოსამართლე ინდირა მაშანეიშვილმა საქმის განხილვა გადადო, რადგან არ ჰქონდა დასტური, ჩაბარდა თუ არა რამაზ ირემაძეს სასამართლოსგან გაგზავნილი შეტყობინება მის წინააღმდეგ სხდომის გამართვის შესახებ.

ნეტგაზეთის მასალების სხვა გამოცემებში გადაბეჭდვის წესი
ავტორი