Batumelebi | გონიოელების აქცია ბათუმის მერიასთან გონიოელების აქცია ბათუმის მერიასთან – Batumelebi
RU | GE  

გონიოელების აქცია ბათუმის მერიასთან

გონიოელები საპროტესტო აქციას ბათუმის მერიასთან მართავენ. მათი ინფორმაციით, მერია სასამართლოს გადაწყვეტილების გასაჩივრებას აპირებს, რომლის მიხედვითაც მერიამ გონიოელების საქმე ინდივიდუალურად, ხელახლა უნდა შეისწავლოს. მერიას ამ დრომდე არ დაუფიქსირებია პოზიცია, ასაჩივრებენ თუ არა სასამართლოში გონიოელებთან წაგებულ საქმეს.

„დღეს არის გასაჩივრების ბოლო ვადა. აქ ვიქნებით, ვიდრე არ გავიგებთ, რას აპირებს მერია. ისინი ჩვენ დაგვპირდნენ, რომ თუკი სასამართლოს მოვიგებდით, ამას არ გაასაჩივრებდნენ,“ – ამბობს გონიოს მკვიდრი, ენვერ ირემაძე.

გონიოლებს შეხვედრა მერმა, გიორგი ერმაკოვმა შესთავაზა ოღონდ ჟურნალისტების გარეშე. შეკრებილებმა მერიის წარმომადგენელს შეხვედრის ამ ფორმატზე უარი უთხრეს, თუმცა საბოლოოდ გადაწყვიტეს, რომ მერს გონიოელები „საერთაშორისო გამჭვირვალობა საქართველოს“ წარმომადგენლებთან ერთად შეხვედროდნენ. ეს ორგანიზაცია სასამართლოში გონიოელების ინტეტესებს იცავს.

ამ წუთებში აქციის მონაწილეები მერიის ადმინისტრაციულ შენობაში შევიდნენ. ისინი ბათუმის მერს ხვდებიან და მიწის საკუთრების კომისიის თავმჯდომარე, ირაკლი ბოლქვაძეს, რომელიც დღეს აქციის მიმდინარეობის დროს, მერიის შენობიდან გამოვიდა და თქვა: “მგონი, კომისიის თავმჯდომარე აღარ ვარ”.

IMG_20170614_120554

ნეტგაზეთის მასალების სხვა გამოცემებში გადაბეჭდვის წესი
ავტორი