ხულოს მუნიციპალიტეტის სოფელ ქვედა თხილვანაში მცხოვრები ოჯახები, სამთავრობო კომისიის გადაწყვეტილებით, 25 000 ლარიანი პროგრამით ისარგებლებენ.
მუნიციპალიტეტის გამგებლის, ბესიკ ბაუჩაძის ინფორმაციით, სამთავრობო კომისიამ განსახლების გეგმაზე მუშაობა დაასრულა. კომისიის გადაწყვეტილებით, ქვედა თხილვანაში მცხოვრები 61 მუდმივი მაცხოვრებელი ოჯახიდან ორს, ბინა ვაშლოვანში არსებულ სოციალურ სახლში გადაეცა. რაც შეეხება დანარჩენ 59 ოჯახს, გამგებლის ინფორმაციით ყველა მათგანი 25 000 ლარიანი პროგრამით ისარგებლებს.
დაზარლებულ ოჯახებს საცხოვრებელი სახლის შესაძენად 25 000 ლარს აჭარის მთავრობა სარეზერვო ფონდიდან გამოუყოფს.
„სამთავრობო კომისიამ, თხილვანის თემაზე მუშაობა დაასრულა, მოსახლეობის მოთხოვნა, საცხოვრებელი სახლების შესაძენად მიეღოთ 25 000 ლარი, დაკმაყოფილდა. ორშაბათიდან დაიწყება თანხის გაცემა – 25 000 ლარის ოდენობით საცხოვრებელი სახლის შესაძენად. რაც შეეხება დროებით, სეზონურ მაცხოვრებლებს, სახელმწიფომ დახმარება რომ გაუწიოს, მიეცათ რეკომენდაცია დარეგისტრირდნენ სახელმწიფო პროგრამებში – აცხადებს გამგებელი და დასძენს, რომ ამ დროისთვის სოფელში ვითარება სტაბილურია – ვითარება სტაბილურია, მნიშვნელოვანი ცვლილება არ დაფიქსირებულა, მაგრამ ეს იმას არ ნიშნავს, რომ ცუდის მოლოდინი არ უნდა გვქონდეს, უხვი ნალექის შემთხვევაში რისკები არსებობს“.
ამავე თემაზე:
