ნეტგაზეთი • RU

რა შეიცვალა ბათუმის სამრეწველო ზონაში გზის გადაკეტვის შემდეგ

ბათუმის სამრეწველო ზონაში, სადაც  მოსახლეობამ 25 მაისს პროტესტის ნიშნად გზა გადაკეტა და გურის მწარმოებელ საწარმოში შესულ სატვირთო მანქანას ტერიტორიის დატოვების საშუალება რამდენიმე საათით შეუზღუდა, ამ დროისთვის არაფერი შეცვლილა.  დატბორილ ქუჩებში ადამიანებს გავლა ისევ უჭირთ, ხოლო საწარმოს მძიმეწონიანი მანქანები ისევ ისე გადაადგილდებიან.

ე.წ. სამრეწევლო ზონა ბათუმში, შანიძის ქუჩაზე მდებარეობს [ყოფილი ხელვაჩაურის ტერიტორია]. შარაბიძეების სკოლის უკან მცხოვრები იამზე მჟავანაძე ამბობს, რომ გზის გადაკეტვის შემდეგ ადგილზე ბათუმის მერიის წარმომადგენლები მივიდნენ.

„დადიან და რაღაცას ამოწმებენ, ათვალიერებენ. გვპირდებიან, გზას გავაკეთებთო, მაგრამ რა გაკეთდება, არ ვიცი. ბოლო დღეებში არ უწვიმია, მაგრამ ქუჩა ისევ წყლითაა სავსე,“ – გვიყვება იამზე მჟავანაძე.

ბათუმის მერიაში „ბათუმელებს“ უთხრეს, რომ უახლოეს დღეებში შანიძი~ს ქუჩაზე დროებითი სანიაღვრე სისტემა მოეწყობა: „სპეციალისტები სწავლობენ საჭიროებებს, რის შემდეგაც გამოცხადდება ტენდერი პროექტის შესყიდვაზე და გაკეთდება სანიაღვრე სისტემა“, – განმარტავენ მერიის პრესსამსახურში.

„უფროსი ადგილზე არ არის, ჩვენ ვერაფერს გეტყვით“, – გვითხრეს აგურის საწარმოში „გუმბათი აგური“, რომელიც მოსახლეობის მტკიცებით, ფილტრების გარეშე მუშაობს და სატვირთო მანქანების სისტემატური მუშაობა გზის სავალ ნაწილს კიდევ უფრო აზიანებს.

„როცა ამ საწარმოში აგურის ჩამოსხმა იწყება, საშინელი მტვერი დგება, ერთმანეთს ვეღარ ვხედავთ. ახლა გაჩერებული არიან, უფრო ღამ-ღამობით იწყებენ ჩამოსხმას. საწარმოს უფროსი გიორგი ბალაძე ადრე  დაგვპირდა, რომ ფილტრებს დააყენებდა, მაგრამ მერე არც გამოჩენილა. არც გარემოსდაცველი მოსულა ვინმე,“ – გვითხრა იამზე მჟავანაძემ.

„გუმბათი აგურის“ უფროსთან, გიორგი  ბალაძესთან დაკავშირება „ბათუმელებმა“ ამ დრომდე ვერ მოახერხა.

 

IMG_20170602_175413

IMG_20170602_175914

IMG_20170602_180014

IMG_20170602_174802

IMG_20170602_175832

მზია ჩხიკვაძე ამბობს, რომ წვიმის დროს წყლისგან სახლებიც იტბორება

IMG_20170602_174855

IMG_20170602_174943

 

IMG_20170602_174949

IMG_20170602_175010

IMG_20170602_175118

IMG_20170602_180333

ნეტგაზეთის მასალების სხვა გამოცემებში გადაბეჭდვის წესი
ავტორი