საერთაშორისო ტურნირი საპლაჟო ფრენბურთში თურქეთის გუნდის გამარჯვებით დასრულდა, რომელსაც პრიზი – 1200 ლარი გადაეცა. მეორე ადგილზე თბილისის გუნდი გავიდა, მას პრიზად 1000 ლარი ერგო, მესამე ადგილი კი, პრიზით 800 ლარი – ბათუმის გუნდს ხვდა წილად.
ტურნირი უკვე მესამე წელია ბათუმის მერიის მხარდაჭერით ტარდება.
ბათუმის მერიის განათლების კულტურის, ტურიზმისა და სპორტის სამსახურის მთავარი სპეციალისტის დავით ბაბილოძის თქმით, ტურნირისთვის მერიის ბიუჯეტიდან 15 ათასი ლარი იყო გამოყოფილი.
