მთავარი,სიახლეები

ლაშა თავართქილაძე უვადო მოსამართლედ დანიშნეს

11.05.2017 • 3323
ლაშა თავართქილაძე უვადო მოსამართლედ დანიშნეს

მოსამართლე ლაშა თავართქილაძე უვადოდ გაამწესეს. გადაწყვეტილება იუსტიციის უმაღლესმა საბჭომ  მიიღო. ლაშა თავართქილაძე ბათუმის საქალაქო სასამართლოს მოსამართლეა 2014 წლიდან და ადმინისტრაციულ საქმეთა კოლეგიაში მუშაობს.

მოსამართლეობამდე ლაშა თავართქილაძე თბილისის სააპელაციო სასამართლოში მუშაობდა მოსამართლის თანაშემწედ. მოსამართლის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციაში მან 2007 წელს ჩააბარა.

კანონის შესაბამისად, 2013 წლიდან მოსამართლეები მხოლოდ გამოსაცდელი ვადით ინიშნებიან. ამ ვადის გასვლის შემდეგ იუსტიციის უმაღლესი საბჭო წყვეტს, მოსამართლე უვადოდ უნდა გამწესდეს თუ არა. პირველი მოსამართლე ბათუმის საქალაქო სასამართლოში, რომელიც უვადოდ დანიშნეს, გოჩა ფუტკარაძე იყო. მისი უვადოდ გამწესების შესახებ გადაწყვეტილება საბჭომ გასული წლის ოქტომბერში მიიღო.

გადაბეჭდვის წესი


ასევე: