Batumelebi | საცხოვრებელი ბინები 164 დევნილისა და 212 ეკომიგრანტი ოჯახისათვის საცხოვრებელი ბინები 164 დევნილისა და 212 ეკომიგრანტი ოჯახისათვის – Batumelebi
RU | GE  

საცხოვრებელი ბინები 164 დევნილისა და 212 ეკომიგრანტი ოჯახისათვის

დღეს, აჭარის მთავრობის თავმჯდომარემ ზურაბ პატარაძემ საქართველოს განსახლებისა და ლტოლვილთა მინისტრთან, სოზარ სუბართან ერთად, წაბლანელებისათვის მშენებარე სახლი დაათვალიერა. მშენებლობის პროცესს გაეცნო ასევე აჭარის ფინანსთა და ეკონომიკის მინისტრი რამაზ ბოლქვაძე და აჭარის ჯანმრთელობისა და სოციალური დაცვის მინისტრი ზაალ მიქელაძე.

bსაცხოვრებელ სახლში დაახლოებით 456 ბინა მოეწყობა, რომელიც წაბლანაში მცხოვრებ 212 ეკომიგრანტ და 164 იძულებით გადაადგილებულ ოჯახს გადაეცემა. აჭარის მთავრობამ ხულოში 1989 წლის 19 აპრილის სტიიქიის შედეგად დაზარლებულთათვის საცხოვრებლით უზრუნველყოფის სპეციალური პროგრამა შეიმუშავა, რომლითაც დიდი ხნის გადაუჭრელი პრობლემა მოგვარდა. კერძოდ, შეიქმნა ბინათმშენებლობის ამხანაგობა „წაბლანა 2015“, რომელმაც აჭარის მთავრობის მხარდაჭერით საცხოვრებელი კორპუსიის აშენება დაიწყო. მთავრობამ ამხანაგობას საპროექტო დოკუმენტაციასთან ერთად, ქალაქ ბათუმში 5000 კვმ მიწის ნაკვეთი გადასცა, ასევე გამოუყო 1 550 000 ლარი.

g

მშენებლობის დასრულების საქმეში დიდი წვლილი შეაქვს საქართველოს განსახლებისა და ლტოლვილთა სამინისტროს გადაწყვეტილებას, რომლის თანახმადაც, 164 საცხოვრებელი ფართის დევნილებისათვის შესყიდვა მოხდება. სულ მალე, ბათუმში ახალაშენებულ საცხოვრებელ სახლში 212 ეკომიგრანტ ოჯახთან ერთად დევნილებიც შესახლდებიან.

f

აჭარის მთავრობის თავმჯდომარის თქმით, მნიშვნელოვანია, რომ აღნიშნული პროექტით საბოლოოდ მოხდება როგორც 212 სტიქიით დაზარალებული ოჯახის, ისე 164 იძულებით გადაადგილებული პირის საცხოვრებლით უზრუნველყოფა. „წაბლანელებისთვის სახლის მშენებლობის პროექტი გრძელდება და უახლოეს პერიოდში დასრულდება. აჭარის მთავრობამ ცენტრალურ ხელისუფლებასთან ერთად შეძლო ეს პროექტი ბოლომდე მიეყვანა, რაც იმას ნიშნავს, რომ სულ მალე, წაბლანელ 212 ოჯახს გადაეცემა საცხოვრებელი ფართები“ – აღნიშნა აჭარის მთავრობის თავმჯდომარემ ზურაბ პატარაძემ.

აჭარის მთავრობა
ნეტგაზეთის მასალების სხვა გამოცემებში გადაბეჭდვის წესი
ავტორი