Batumelebi | სახალხო დამცველი შესაძლოა ღურტაში გაემგზავროს სახალხო დამცველი შესაძლოა ღურტაში გაემგზავროს – Batumelebi
RU | GE  

სახალხო დამცველი შესაძლოა ღურტაში გაემგზავროს

 

 სოფელ ღურტისა და დიაკონიძეების მოსახლეობა სახალხო დამცველს, უჩა ნანუაშვილს შეხვდა. შეხვედრა სახალხო დამცველის ბათუმის ოფისში გაიმართა და 40 წუთს მიმდინარეობდა. 

 

 

მოსახლეობა სახალხო დამცველს სოფლის ბოლოს მშენებარე ჰესის უსაფრთხოების პრობლემებზე ესაუბრნენ და აღნიშნეს, რომ სოფლის მოსახლეობის ინტერესებს სახელმწიფო და კომაპანია არ ითვალისწინებენ.

 

 უჩა ნანუაშვილის განცხადებით უახლოეს ხანებში შესაძლებელია ადგილზე გაეცნოს მდგომარეობას. „ჩვენ გავაგრძელებთ თქვენი პრობლემის შესწავლას“ –  უთხრა სახალხო დამცველმა ღურტის მოსახლეობას.

 

მოსახლეობამ 8 მარტს მომხდარ ინციდენტზეც გაამახვილა ყურადღება. სოფლის მოსახლეობა 8 მარტს ტექნიკას გადაუდგა წინ და მუშაობის საშუალება არ მისცა. „სამარცხვინოა, როცა ქვეყანაში ილახება ადამიანის უფლებები და ამავდროულად ამ ქყვეყანას უნდა ნატოში გაწევრიანება,“ – აღნიშნა შეხვედრისას 8 მარტს აქციის ერთ-ერთმა მონაწილემ, ზაირა ხოზრევანიძემ.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი