Batumelebi | ბავშვის ცემისთვის მაქსიმალური სასჯელი 2 წელია ბავშვის ცემისთვის მაქსიმალური სასჯელი 2 წელია – Batumelebi
RU | GE  

ბავშვის ცემისთვის მაქსიმალური სასჯელი 2 წელია

სახალხო დამცველის აპარატმა სკოლაში მეორეკლასელი ბავშვის ცემის ფაქტზე მოკვლევა დაიწყო. საუბარია ბათუმში, მე-15 სკოლაში 28 მარტს მომხდარ შემთხვევაზე, როცა ერთ-ერთი მოსწავლის მშობელმა შვილის პარალელურ კლასელს სცემა.

სკოლის დირექტორის მოადგილემ, ნანა ქათამაძემ „ბათუმელებს“ უთხრა, რომ მშობელი, ვინც შვილის კლასელს სკოლის ეზოში  სცემა, დედაა. „ამ ფაქტს შეესწრო მანდატური და ერთ-ერთი მშობელი. ჩვენ მაშინვე შევატყობინეთ ამის შესახებ უბნის ინსპექტორს. მიმდინარეობს გამოძიება, მეტს ვერაფერს გეტყვით“, – ამბობს ნანა ქათამაძე.

შინაგან საქმეთა სამინისტროს ინფორმაცით, მომხდარზე დაწყებულია გამოძიება არასრულწლოვნის მიმართ წინასწარ შეცნობით ჩადენილ დანაშაულზე. სისხლის სამართლის კოდექსის ეს მუხლი სასჯელის სახით ითვალისწინებს ჯარიმას, საზოგადოებისთვის სასარგებლო შრომას 180-დან 240 საათამდე, ან 2 წლამდე თავისუფლების აღკვეთას.

ნეტგაზეთის მასალების სხვა გამოცემებში გადაბეჭდვის წესი
ავტორი