აჭარის ტურიზმის დეპარტამენტი ფოტომომსახურებასა და ახალი ვებგვერდის შექმნაზე ტენდერს გამოაცხადებს. დეპარტამენტის მიზანია რეგიონის საიმიჯო ფოტოების შესყიდვა, რომელთა უმეტესობა დადგმული უნდა იყოს რეგიონის ტურისტული შესაძლებლობების თემაზე.
„ეს იქნება აჭარის დაცული ტერიტორიების, ეროვნული პარკების, ბათუმის საერთო ხედები… ეს იქნება დადგმული ფოტოები, რომლის რეალური ღირებულებაც საქართველოს ბაზარზე სამჯერ უფრო ძვირია, ვიდრე ჩვენ გვაქვს გათვალისწინებული. რაც შეეხება ვებგვერდს, რომელიც გვაქვს, მოძველებულია და ვერ პასუხობს იმ სტანდარტებსა და გამოწვევებს, რაც დღეს უკვე დამკვიდრებულია ტურიზმის სფეროში. მისი ღირებულებაც ქართულ ბაზარზე ხშირად სამჯერ უფრო ძვირია, ვიდრე აქ არის ფასი მითითებული.“ – განუცხადა დეპარტამენტის თავმჯდომარემ, სულხან ღლონტმა „ბათუმელებს“.
ახალი ვებგვერდის შექმნისთვის დეპარტამენტმა ბიუჯეტში 30 000 ლარი, ფოტომომსახურებისთვის კი – 15 000 ლარი გაითვალისწინა.
