მთავარი,სიახლეები

შსს მილიონი ლარის შოკოლადსა და კარამელს შეისყიდის

27.02.2017 • 2104
შსს მილიონი ლარის შოკოლადსა და კარამელს შეისყიდის

საქართველოს შინაგან საქმეთა სამინისტრომ შოკოლადის ნაწარმისა და კარამელის კანფეტის შესყიდვაზე ერთობლივი ელექტრონული ტენდერი გამოაცხადა. შესყიდვის სავარაუდო თანხა 1 მილიონ 58 ათას 989 ლარია.

სამინისტრო, სატენდერო პირობის თანახმად, 104 ტონაზე მეტ შოკოლადსა და 125 კილოგრამ კარამელის კანფეტს შეისყიდის.

აქედან:

  • ლოჯისტიკის დეპარტამენტისთვის – 76 260 კგ შოკოლადს და 110 კგ კარამელს;
  • სტრატეგიული მილსადენების დაცვის დეპარტამენტისთვის – 5 500 კგ შოკოლადს და 15 კგ კარამელს;
  • სასაზღვრო პოლიციისთვის – 22 500 კგ შოკოლადს.

შსს-ს სატენდერო კომისიის შესაბამისი ოქმის მიხედვით, შოკოლადისა და კარამელის შესყიდვა 2017 წლის სახელმწიფო ბიუჯეტიდან და BP-სთან გაფორმებული საერთაშორისო ხეკლშეკრულების საფუძველზე მიღებული გრანტით განხორციელდება. ტენდერში გამარჯვებული ზემოაღნიშნულ სამსახურებს კანფეტებს ეტაპობრივად მიაწვდის.

გადაბეჭდვის წესი


ასევე: