აჭარის განათლების სამინისტროს წარმომადგენლებმა თბილისში, ეროვნულ კინოცენტრში აჭარაში კინოწარმოების ხელშეწყობის პროგრამის პრეზენტაცია გაიმართეს.
ღონისძიებას ეროვნული კინოცენტრის დირექტორი ნანა ჯანელიძე ესწრებოდა, ასევე მიწვეული იყვნენ ქართველი პროდიუსერები და რეჟისორები.
აჭარაში კინოწარმოების ხელშეწყობის პროგრამას აჭარის განათლების სამინისტრო ახორცილებს, რომლის ფარგლებშიც უცხოელ და ადგილობრივ კინომწარმობლებს მხატვრული, ანიმაციური და დოკუმენტური ფილმების კინოპროექტების დაფინანსებას სთავაზობს.
სამინისტროს ინფორმაციით, პროგრამაში მონაწილეობის მსურველებმა უნდა მიმართონ აჭარის განათლების სამინისტროს, ასევე შეუძლიათ კინოპროგრამის ვებგვერდზე განთავსებული განაცხადის ფორმის საშუალებით გაიარონ რეგისტრაცია.
განაცხადების მიღების ბოლო ვადაა 2013 წლის 20 მაისი.
