ასევე გამოიცა ფრინველებზე დაკვირვების, ღვინის და სოფლად ტურიზმის ბროშურებიც. რომელიც ტურიზმის დეპარტამენტის საზოგადოებასთან ურთიერთობის სამსახურის ხელმძღვანელის, სოფო გუჯაბიძის აზრით, საერთაშორისო ტურისტულ გამოფენებზე პოპულარიზაციას გაუწევს რეგიონს.
საინფორმაციო მასალები გამოცემულია ინგლისურ და რუსულ ენებზე.
შიდა ტურიზმის განვითარებისთვის, გამოიცა ხუთივე მუნიციპალიტეტის ტურისტული პოტენციალის ამსახველი სარეკლამო მასალა. როგორც ტურიზმის დეპარტამენტში აცხადებენ, წელს პირველად გამოიცა სამმაგი რუკა, სადაც ერთადაა მოცემული, როგორც ბათუმისა და აჭარის, ასევე მთლიანი საქართველოს რუკაც. ცალკე გამოიცა ბათუმისა და ქობულეთის რუკები.
სოფო გუჯაბიძის განცხადებით, საინფორმაციო სარეკლამო ბუკლეტებს ტურისტები მიიღებენ როგორც აეროპორტებში, ასევე ქალაქში არსებულ ტურისტულ საინფორმაციო ცენტრებში.
როგორც ტურიზმის დეპარტამეტში აცხადებენ, ამ დროისთვის არსებული მონაცემებით, რეგიონში ტურისტთა ნაკლებობა შეიმჩნევა, „თუმცა ეს არის შიდა ტურიზმის ხარჯზე, უცხოელების ხარჯზე კი არის სამპროცენტნახევრიანი ზრდა. ტურისტების ნაკადის მხრივ, ქვეყნებს შორის ისე თურქეთი ლიდერობს. წელს ველოდებით ტურისტების ზრდას პოლონეთიდან და ისრაელიდან, თუმცა კონკრეტული ციფრის პროგნოზირებას, თუ რამდენი ტურისტი შეიძლება შემოვიდეს რეგიონში, ვერ შევძლებთ“-ამბობს სოფო გუჯაბიძე.
