„აჭარის ა/რ დასაქმების სააგენტომ“ და „ჰუმანა ჯორჯიამ“ დღეს ერთობლივ საქველმოქმედო აქციას გამართეს.
საქველმოქმედო ღონისძიებით ჰუმანას წარმომადგენელობა საქართველოში “ჰუმანა ჯორჯია” ეხმიანება აქციას “ყველა ბავშვი ყველას ბავშვია” და აჭარაში მცხოვრებ უმწეო ოჯახების პატარებისთვის „აჭარის დასაქმების სააგენტოს“ გადასცა ბავშვთა კვების პროდუქტებ, რომლებიც დღესვე მუნიციპალიტეტებში გადაიგზავნება.
პროდუქტების სიაში შედის 210 ყუთი რძე, 110 ყუთი ფაფა და 230 ქილა ბოსტნეულისა და ხილის პიურე და მზა სადილი.
ამასთან, “ჰუმანა ჯორჯია”-ს ხელმძღვანელობა ვალდებულებას იღებს, რეგიონის უმწეო ოჯახების 7 ახალშობილი, დაბადებიდან 1 წლის ასაკამდე უზრუნველყოს უმაღლესი ხარისხის ბავშვთა კვების პროდუქტებით. ისინი ასევე თავის თავზე იღებენ ზევით ჩამოთვლილი კვების პროდუქტების ტრანსპორტირებას აჭარაში.
აღსანიშნავია, რომ ჰუმანიტარული ტვირთის გადანაწილების პროცესის დასულების შემდეგ, დასაქმების სააგენტოსა და აჭარის ჯანდაცვის სამინისტროს წარმომადგენლები შენგელიების ოჯახს ეწვევიან, სადაც სამი ტყუპი ცხოვრობს და მათ 1 წლის განმავლობაში კვების პროდუქტებით უზრუნველყოფის შესახებ „ჰუმანა ჯორჯია“-ს გადაწყვეტილებას აცნობებენ.
რაც შეეხება ბენეფიციარებს, ისინი აჭარის ჯანმრთელობისა და სოციალური დაცვის მინისტრის ნუგზარ სურმანიძის მითითებით, სოციალური მომსახურების სააგენტოს აჭარის ფილიალის მონაცემთა სიღარიბის ზღვარს ქვევით მყოფი მოქალაქეთა სიიდან, აჭარის ყველა მუნიციპალიტეტის მონაცემების გათვალისწინებით შეარჩიეს.
საქველმოქმედო აქცია „აჭარის დასაქმების სააგენტოს“ დირექტორის მოადგილის და შპს “ჰუმანა ჯორჯია”-ს ხელმძღვანელობის ინიციატივით გაიმართა და მას აჭარის ა/რ ჯანმრთელობისა და სოციალური დაცვის სამინისტროს წარმომადგენლები ესწრებოდნენ.
