სიახლეები

რატომ გადავდექი უნივერსიტეტის ცესკოს თავმჯდომარეობიდან

11.04.2013 • 1832
რატომ გადავდექი უნივერსიტეტის ცესკოს თავმჯდომარეობიდან


მინდა მათ ვუპასუხო: ჩემი გადადგომა უკავშირდება მოუწესრიგებელ სიებს და კომპიუტინგის მიმართულების გაურკვევლობაა, თუ რომელ ფაკულტეტს ეკუთვნის ის; ეს ორი მიზეზი არის ერთი დიდი პრობლემის წარმომშობი, ეს გახლავთ მანდატების ვერ განსაზღვრა. ამ ყველაფერს მინდა დავუმატო ის ფაქტი, რომ ჩემი თავმჯდომარეობა ცესკოში ნიშნავდა თურმე იმას, რომ მე ვმოქმედებდი გარკვეული საინიციატივო ჯგუფის სასარგებლოდ, რომლის ლიდერი გახლავთ ჩემი მეგობარი. თუმცა საინიციატივო ჯგუფების ლიდერები უმეტესად არიან ჩემი მეგობრები, რაც მიუთითებს იმას, რომ მე მეტი ობიექტურობა მმართებდა, რადგან ასეთ რთულ სიტუაციაში მე უნდა ჩამეტარებინა სრულიად გამჭვირვალე, დემოკრატიული და ობიექტური არჩევნები, რისი პირობაც მე ყველას მივეცი.

 

თუმცა ჩვენს უნივერსიტეტში ნდობის ფაქტორი ძალიან დაბალია. ასევე მინდა აღვნიშნო ის ფაქტი, რომ ჩემს კანდიდატურას ჰყავდა როგორც მომხრეები, ასევე მოწინააღმდეგეებიც. მე ყველას მინდა ვუთხრა, რომ არც ერთი საინიციატივო ჯგუფის წევრი არ გახლავართ და ჩემთვის მთავარი იყო საარჩევნო პროცესის გამართულობა და არა ის, ვინ გაიმარჯვებდა.

 

ახლა, როგორც გადამდგარმა თავმჯდომარემ მინდა მოვუწოდო საინიციატივო ჯგუფ „აპოლიტიკისოს“ ლიდერს უფრო მეტი ორიენტირი გააკეთოს იმაზე, რომ დებატების კულტურაზე მეტი იმუშაოს და შეხვედრიდან არ გაიქცეს. დანარჩენ საინიციატივო ჯგუფებს მინდა ვკითხო #18 ოთახის შესახებ. რატომ არ იყენებენ ამ ოთახს სამუშაო პროცესის წასამართავად და რატომ იყენებს მხოლოდ ერთი საინიციატივო ჯგუფი?

 

ყველაზე „საინტერესო“ ისაა, რომ თურმე საარჩევნო ბიულეტენს კონვერტი არ სჭირდება…

 

P.S ჩემი გადადგომა არ უკავშირდება არანაირ ზეწოლას. გადავდექი საკუთარი სურვილით, რადგან ასეთ სიტუაციაში მიმაჩნია, რომ არჩევნები არ შეიძლება ჩატარდეს, რადგან გაჩნდება ბევრი კითხვის ნიშანი. 

გადაბეჭდვის წესი


ასევე: