ხულოს მუნიციპალიტეტის სოფელ თხილვანაში ამ დროისთვის ახალი თოვლის საფარი 15 სანტიმეტრს აღწევს. თხილვანის თემის რწმუნებულის, მამუკა ქამაშიძის თქმით, სოფელში მისასვლელ საავტომობილო გზას ამ წუთებში სპეციალური ტექნიკა წმენდს და გადაადგილება შესაძლებელია.
მამუკა ქამაშიძის ინფორმაციით, „მეწყრული კერები სოფელში დღეს არ განვითარებულა. სოფელს ყოველდღიურად, მონაცვლეობით ოთხკაციანი ჯფუფი ვმეთვალყურეობთ, პრობლემა დღს არც გადადგილებაში არ არის და არც შუქის მიწოდებაში, რამდენიმე წუთის წინ სოფელში იმყოფებოდა მუნიციპალიტეტის გამგებელი ბესიკ ბაუჩაძე, რომელიც მოსახლეობას დაჰპირდა, რომ მათ მოთხოვნაზე – მიწის გამოყოფასთან დაკავშირებით, იმუშავებს“.
ხულოს მუნიციპალიტეტის სოფელ თხილვანაში მეწყერი მიმდინარე წლის 10 იანვარს განვითარდა. სპეციალისტების შეფასებით, მეწყერი შეიძლება ნებისმიერ დროს გააქტიურდეს, რაც სოფლის მოსახლეობას საფრთხეს უქმნის.
