ბათუმის შოთა რუსთაველის სახელმწიფო უნივერსიტეტმა სოციალური კამპანიის – „ეკვილიბრიუმის“ ფარგლებში, სოფელ ჭვანის ბიბლიოთეკას 400-მდე წიგნი გადასცა.
ბსუ-ს ადმინისტრაციის ინფორმაციით, უახლოეს მომავალში, სოფლის ბიბლიოთეკა უნივესრიტეტის ელექტრონულ ბიბლიოთეკაში ჩაერთვება.
ბათუმის შოთა რუსთაველის სახელმწიფო უნივერსიტეტში აქცია – „გაიღე წიგნი“’ გრძელდება. ღია ბიბლიოთეკაში წიგნების შეგროვება ნებისმიერ მსურველს შეუძლია. შეგროვებული ლიტერატურა ხულოს, ქედის, ქობულეთის და ხელვაჩაურის სოფლების ბიბლიოთეკებს გადაეცემა.
უნივერსიტეტის რექტორმა, მერაბ ხალვაშმა, სოფელ ჭვანის ახლად გახსნილ ბიბლიოთეკას კომპიუტერული ტექნიკით და ინვენტარით აღჭურვაც შეჰპირდა.
მოძრაობა „ეკვილიბრიუმი“ საქართველოს პარლამენტის ეროვნული ბიბლიოთეკის სოციალური აქციაა, რომელიც რეგიონული ბიბლიოთეკების განვითარებას და წიგნადი ფონდით დახმარებას გულისხმობს.
რუსთაველის უნივერსიტეტმა, ჭვანის ბიბლიოთეკას 400 ცალი წიგნი გადასცა
