აჭარის მთავრობა ციხისძირის „შუქურას“ ყიდის

აჭარის მთავრობა სააქციო საზოგადოება „დასასვენებელი სახლი შუქურა“-ს 99, 956 % – ის აქციათა პაკეტს პირობიანი აუქციონით ყიდის. ქონების დარჩენილი ნაწილი ფიზიკურ პირებს ეკუთვნით. სახლებში კი, რომლებსაც ეს სააქციო საზოგადოება ფლობს, თვითნებურად შესახლებულები ცხოვრობენ. აუქციონის პირობებში მითითებულია, რომ ქონების ნაწილი თვითნებურადაა დაკავებული, თუმცა არსად წერია იმის შესახებ რაიმე ვალდებულებას დააკისრებს თუ არა მთავრობა შემძენს, იქ მცხოვრები ოჯახების მიმართ.

გასაყიდად გამოტანილი ქონება არის 7871 კვადრატული მეტრი მიწის ნაკვეთი, ხოლო მასზე დამაგრებული შენობა-ნაგებობების ფართობი 1910 კვადრატული მეტრია. ქონების საწყისი გასაყიდი ფასი 420 000 ლარია. საუკეთესო წინანადადების კრიტერიუმად კი განისაზღვრება მაქსიმალური გასაყიდი ფასის დასახელება, რომელიც უნდა აღემატებოდეს გამოცხადებულ საწყის საპრივატიზებო საფასურს დამატებული არანაკლებ ერთი ბიჯის ოდენობა. ბიჯი 10 000 ლარია.

აჭარის მთავრობა ციხისძისში „შუქურას“ ქონებას ყიდის

სააქციო საზოგადოების საკუთრებაშია რამდენიმე დასასვენებელი სახლი და მიწის ნაკვეთი სოფელ ციხისძისში. აუცქიონის პირობების მიხედვით, ქონების შემძენმა ამ ტერიტორიაზე ხელშეკრულების დადებიდან არანაკლებ სამი წლის განმავლობაში ტურისტული დანიშნულების ობიექტები უნდა აამოქმედოს. საერთო ჯამში კი მან არანაკლებ მილიონი ლარის ინვესტიციის განხორციელების ვალდებულება უნდა აიღოს.

საჯარო რეესტრის მონაცემებით, სააქციო საზოგადოება „შუქურას“ ქონება დაყადაღებულია. სააქციო საზოგადოების დირეტორად კი ჯემალ ბოლქვაძე ფიქსირდება, ის ხელმძღვანელობს ასევე კურორტ „გოდერძის.“
ჯემალ ბოლქვაძის ინფრომაციით, სააქციო საზოგადოების ქონება სასამართლოს გადაწყვეტილებით საგადასახადო გირავნობის გამო დააყადაღეს.